नवी दिल्ली, 26 मार्च : देश, भाषा, प्रांत आणि प्रदेश वेगवेगळे असले तरी प्रेम ( Love) या एका गोष्टीमुळे जग किती जवळ येतं हे त्या कादंबरीत सांगितलं गेलं आहे.

रशिया-युक्रेन युद्धातही (Russia-Ukraine War) कित्येक माणंस जवळच्या नात्यांना आणि माणसांना पोरकी झाली आहेत.

मात्र या युद्धात एका प्रेमकथेचा (Love story) शेवट मात्र मोठ्या आनंदात झाला आहे. या प्रेमकथेतील लव्ह बर्डस आहे युक्रेनची अ‍ॅना आणि भारतातील अनुभव भसीन, ही दोघं पहिल्यांदा भेटली ती 2019 मध्ये.

युक्रेनची अ‍ॅना कीवमधील एका खासगी कंपनीत काम करणारी मुलगी, ती ज्यावेळी 2019 मध्ये भारतात आली त्यावेळी अनुभवबरोबर ओळख झाली.

त्यानंतर त्यांनी एकमेकांचे फोन नंबर घेतले आणि त्यांची मग मैत्री झाली. तीही अगदी घट्ट.

यांची मैत्री, प्रेम झाल्यानंतर अ‍ॅना होरोडेत्स्का आणि दिल्ली उच्च न्यायालयात वकील असणाऱ्या अनुभव भसीन यांनी मार्च महिन्यात विवाह करण्याचा निर्णय घेतला होता, आणि दोघंही मार्च महिन्याचीच वाट बघ होते.

एक ना एक दिवस भारत गाठायचा

रशिया-युक्रेन युद्ध सुरु झाल्यानंतर प्रेमात असलेले अनुभव आणि अ‍ॅना ही दोघं चिंताग्रस्त झाली.

रशियाकडून जोरदार आक्रमन सुरु झाले आणि युक्रेनची राजधानी कीवमधील एका बंकरमध्ये अ‍ॅना लपून बसली, पण प्रेमात असलेली अ‍ॅनाने युद्धातही अनुभवबरोबर आपला संवाद चालूच ठेवला.

ज्यावेळी त्यांचं शेवटचं बोलणं झालं, त्यावेळी मात्र अ‍ॅनाने ठरवले की, एका ना एक दिवस युक्रेनमधून बाहेर पडायचं आणि थेट भारत गाठायचा आपल्या अनुभवच्या प्रेमासाठी.

प्रेमातील लुटूपुटूचे वाद

अ‍ॅना आणि अनुभव या दोघांच्या प्रेमाचे किस्से युद्धातही अगदी ओतप्रोत भरले आहेत.

इंडियन एक्सप्रेसला दिलेल्या मुलाखतीत अॅना सांगते की, तिकडे युद्ध सुरु होते तसेच आमच्यातर वाद सुरु होते.

आम्ही एकमेकांबरोबर वाद घातले पण मी त्याला सांगितले की, थांब मी 17 मार्चपर्यंत मी दिल्लीत पोहचते आहे.

आणि विमानतळावर विचारले की ..

दिल्लीतील इंदिरा गांधी विमानतळावर अ‍ॅनाचे आगमन आणि स्वागत झाले ते अगदी सामान्य होते, त्यात कोणताही बडेजाव नव्हता.

स्वागत सामान्य असले तरी अ‍ॅना येणार म्हणून अनुभवन तिच्या आगमनासाठी एक ढोल मागविला होता.

ती ज्यावेळी विमानतळावर आली तेव्हा ढोलाच्या गजरात तिचे स्वागत करण्यात आले आणि अगदी रोमँटीक होत अनुभव भसीनने सोन्याची रिंग हातात घेऊन, गुडघ्यावर बसून तिला विचारले की, “Will you marry me?”

भारतातील स्वागतावर अ‍ॅना फिदा

ती सांगते की, हे माझ्यासाठी खूपच अनपेक्षित होते. कारण मी एवढ्या लांबून प्रवास करुन आल्यामुळे थकले होते, पण या त्याने ज्यासाठी मला सोन्याची रिंग देऊन विचारले होते, त्यासाठी त्याला हो म्हणाले.

कारण त्याच्यासाठी मी युद्धातून वाट काढत त्याच्यापर्यंत पोहचले होते. त्यानंतर मी त्याच्या आईला भेटले.

त्यांनी तर माझे स्वागत फुलांनी केले, आणि ते मला खूप सुंदर वाटले असंही ती भारतातील स्वागतावर सांगते.

फोन आणि भेट

खासगी कंपनीत काम करणारी अ‍ॅना 2019 मध्ये जेव्हा भारतात आली तेव्हा यांची भेट झाली होती.

त्या भेटीत एकमेकांचे फोन नंबर घेऊन, व्हाटस्अ‍ॅपवर बोलणंही होई, त्यानंतर त्यांची मैत्री झाली.

मात्र त्यानंत कोरोनामुळे लॉकडाऊन झाले आणि पुन्हा त्यांची भेट लांबली लॉकडाऊननंतर ती राजस्थानच्या ट्रीपसाठी आली त्यावेळी अनुभवने तिला मदत केली.

विशेष कायद्यांतर्गत लग्न

लॉकडाऊननंतर दुबईमध्ये या दोघांची तिसऱ्यांदा भेट झाली तर चौथ्यांदा ती दोघं जेव्हा भारतात पुन्हा भेटली.

तेव्हा अनुभवच्या आईनेच अ‍ॅनाबरोबर लग्न करण्याचा सल्ला दिला. त्यानंतर विशेष कायद्यांतर्गत या दोघांनी लग्न करण्याचा निर्णय घेतला.

मात्र त्याच काळात युद्ध सुरु झालं आणि पुन्हा या गोष्टी लांबणीवर पडल्या पण त्या काळात लग्नासाठी लागणारी सर्व कागदपत्रे त्यांनी तयार ठेवली असल्याचे अनुभव सांगतो.

लग्नासाठी दिलेली भेट

अ‍ॅना या भारतभेटीवर ती बेहद्द खूश आहे. म्हणून तिला आजीकडून मिळाली कॉफी मशिन तिने युद्धकाळातही आपल्याबरोबर ठेवली.

ती मशिन घेऊन जाण्यास अनुभवचा विरोध असतानाही तिने ते बरोबर घेतले त्यावेळी तिने सांगितले की, ही फक्त कॉफी मशिन नाही तर ती आपल्या लग्नासाठी दिलेली भेट आहे. ती ती गोष्ट युद्ध असलं तरी ती मागे सोडणार नाही.

दोन वर्षांचा भारतीय व्हिसा

युद्धकाळात अ‍ॅना आपल्या आईसोबत ल्विव्हला पोहचल्यानंतर तिथून पोलंडमध्ये दोन आठवडे ती थांबली.

त्यानंतर तिला दोन वर्षांचा भारतीय व्हिसा तिला मिळाला. तर तिच्या आईला नॉर्वेचा व्हिसा मिळाला आणि आई तिकडे रवाना झाली.

उरलेलं आयुष्य भारतात

युक्रेनमधील युद्धाचा मागोवा घेत अनुभव यांनी उच्च न्यायालयातील वरिष्ठ वकीलांबरोबर बोलून व्हिसा मिळवण्यासाठी प्रयत्न केले.

त्यानंतर पोलंडमधील भारतीय दूतावासाच्या मदतीने त्यांनी तिला व्हिसा मिळवून दिला. अ‍ॅना आता युक्रेनमधील रशियाचे आक्रमन थांबण्याची वाट बघते आहे.

कारण तिचा बाओ नावाचा कुत्रा ती तिकडे आपल्या आजीकडे चेरकासी प्रांतात सोडून आली आहे.

आपल्या आजीसाठी आणि कुत्र्यासाठी तिला एकदा तिकडे जायचे आहे, कारण अनुभव आणि अॅना 27 एप्रिल रोजी विवाहबंधनात अडकणार आहेत.

अ‍ॅना सांगते की, युद्ध संपल्यावर मला कीवला परत जायचे आहे आणि माझा कुत्रा परत घ्यायचा आहे, कारण मला माझे आयुष्य भारतात घालवायचे आहे.

मध्य प्रदेश, ग्वाल्हेर : आपण अनेकदा पाहतो की, प्रेमाला वयाचे, जाती-धर्माचे कशाचे ही बंधन नसते. अनेकदा आपण पाहिले आहे की, नाती, वय, जात-धर्म सोडून एकमेकांवर प्रेम (Love Story) करतात आणि आनंदाने राहतात.

प्रेमाचं एक असंच अनोखं उदाहरण समोर आले आहे. मध्य प्रदेशच्या (Madhya Pradesh) ग्वाल्हेर (Gwalior Love Story) जिल्ह्यातील ६७ वर्षीय महिला रामकली एका २८ वर्षीय भोलू नावाच्या तरूणाच्या प्रेमात पडली. आता दोघांना एकत्र राहण्यासाठी कोर्टाकडे मदतीची मागणी केली आहे.

३९ वर्षांचं आहे दोघात अंतर

रामकली आणि भोलू यांनी लिव्ह इन रिलेशनशिपमध्ये रहायचे आहे आणि पुढील आयुष्य सोबत जगायचे आहे. यासाठी त्यांनी ग्वाल्हेरच्या एका कोर्टात अर्ज दाखल केला आहे.

रामकली आणि भोलू म्हणाले की, दोघेही एकमेकांवर खूप प्रेम करतात. ते गेल्या सहा वर्षांपासून लिव्ह इन रिलेशनमध्ये राहत आहे आणि पुढेही त्यांना तसंच रहायचं आहे.

लिव्ह इन रिलेशनशिप दरम्यान भविष्यात कोणताही वाद होऊ नये आणि त्यांचं आधीपेक्षा जास्त मजबूत व्हावे म्हणून त्यांनी कोर्टाकडे अर्ज केला आहे.

वकिल काय म्हणाले?

वकिल दिलीप अवस्थी म्हणाले की, कपल मुरैना जिल्ह्यातील कॅलारसचे राहणारे आहे. ६७ वर्षीय रामकली आणि २८ वर्षीय भोलू एकमेकांवर प्रेम करतात आणि दोघांना सोबत रहायचे आहे पण लग्न करायचे नाही.

लिव्ह इनमध्ये राहत असताना त्यांच्यात काही वाद होऊ नये त्यासाठी त्यांनी नोटरी तयार केली आहे. हा अर्ज त्यांनी कोर्टासमोर सादर केला आहे.

दिलीप अवस्थी म्हणाले की, वाद वाचवण्यासाठी कपलने लिव्ह इन रिलेशनशिपची नोटरी तयार केली आहे. कायदेशीर या कागदाला तसे काही महत्व नाही.

हा मुद्दा हिंदू विवाह श्रेणीत येत नाही. असो, अशात ६७ वर्षीय रामकली आणि २८ वर्षीय भोलू यांची प्रेम कहाणी सध्या चर्चेचा विषय ठरत आहे.

लखनऊ : योगी आदित्यनाथ यांनी आज सलग दुसऱ्यांदा उत्तर प्रदेशच्या मुख्यमंत्रीपदाची शपथ घेतली. योगी यांच्यासह दोन उपमुख्यमंत्री आणि अन्य 50 मंत्र्यांनी आज मंत्रिपदाची शपथ घेतली.

उत्तर प्रदेशमध्ये विधानसभा निवडणुकीत पराभूत झालेले केशव प्रसाद मौर्य यांना उपमुख्यमंत्रीपद देऊन भाजपने पुन्हा एकदा धक्कातंत्र वापरले आहे. मौर्य यांच्यासोबत ब्रजेश पाठक यांनीही उपमुख्यमंत्रीपदाची शपथ घेतली आहे.

उत्तर प्रदेश विधानसभा निवडणुकीत भाजपने सलग दुसऱ्यांदा बहुमत मिळवल्यानंतर योगी आदित्यनाथ यांच्या मंत्रिमंडळात कोणाकोणाची वर्णी लागणार याकडे सर्वांचे लक्ष लागले आहे.

• The Kashmir Files Daily Box Office Collection : विवेक अग्निहोत्रीच्या चित्रपटाने इतिहास रचला, 13व्या दिवशी 200 कोटींचा टप्पा पार केला

योगी मंत्रिमंडळात पहिल्या टर्ममधील काही चेहरे कायम ठेवण्यात आले असून यावेळी काही नवीन चेहऱ्यांचा समावेश करण्यात आला आहे.

योगींच्या मंत्रिमंडळात कोणाचा समावेश? वाचा संपूर्ण यादी…

योगी आदित्यनाथ यांनी मुख्यमंत्रिपदाची शपथ घेतल्यानंतर विविध कॅबिनेट आणि राज्यमंत्र्यांचा शपथविधी पार पडला.

सूर्य प्रताप शाही, सुरेश कुमार खन्ना, स्वतंत्र देव सिंह, बेबी राणी मौर्य, लक्ष्मी नारायण चौधरी, जयवीर सिंह, धर्मपाल सिंह, नंद गोपाल गुप्ता, भूपेंद्र सिंह चौधरी, अनिल राजभर, जितिन प्रसाद, राकेश सचान, अरविंद कुमार शर्मा, योगेंद्र उपाध्याय, आशिष पटेल, संजय निषाद यांनी कॅबिनेट मंत्रिपदाची शपथ घेतली.

• Pandharpur Crime : पंढरपुरात अल्पवयीन मुलीवर लैंगिक अत्याचार, अर्भक रस्त्यावर सोडले, तिघांना अटक

दुसरीकडे, नितीन अग्रवाल, कपिलदेव अग्रवाल, रविंद्र जयस्वाल, संदीप सिंह, गुलाब देवी, गिरीश चंद्र यादव, धर्मवीर प्रजापती, असीम अरुण, जेपीएस राठौर, दयाशंकर सिंह, नरेंद्र कश्यप, दिनेश प्रताप सिंह, अरुण कुमार सक्सेना, दयाशंकर मिश्र दयालू यांनी राज्यमंत्रिपदाची (स्वतंत्र प्रभार) शपथ घेतली.

राज्यमंत्रिपदी कोणाला मिळाली संधी?

योगींच्या मंत्रिमंडळात मयंकेश्वर सिंह, दिनेश खटिक, संजीव गौड, बलदेव सिंह ओलख, अजित पाल, जसवंत सैनी, रामकेश निषाद, मनोहर लाल मन्नू कोरी, संजय गंगवार, बृजेश सिंह, केपी मलिक, सुरेश राही, सोमेंद्र तोमर, अनूप प्रधान, प्रतिभा शुक्ला, राकेश राठौड, रजनी तिवारी, सतीश शर्मा, दानिश आजाद अंसारी, विजय लक्ष्मी गौतम यांना राज्यमंत्रिपदी संधी देण्यात आली आहे.

RECENT POSTS

• धक्कादायक घटनेने नांदेड हादरले, लॉजमध्ये महिला डॉक्टरचा दुखद अंत !
• Disability Certificate : दिव्यांग व्यक्तीना संगणकीय प्रणालीद्वारे ऑनलाईन दिव्यांग प्रमाणपत्र वाटपासाठी भरीव तरतुद करावी 
• Pan Aadhaar Link करण्याची अंतिम तारीख 31 मार्च नंतर वाढणार नाही, त्यानंतर 1,000 रुपये दंड