नवी दिल्ली, 15 मार्च : पाच राज्यांतील विधानसभा निवडणूक निकाल 2022 मध्ये काँग्रेसचा पराभव झाल्यानंतर काँग्रेस कार्यकारिणीने मोठा निर्णय घेतला आहे.
पाच राज्यांच्या निवडणुकांमध्ये पराभव पत्करावा लागलेल्या काँग्रेस पक्षात आता नेतृत्व बदलण्याची शक्यता आहे. पाच राज्यांतील निवडणुकीतील पराभवानंतर गेल्या तीन-चार दिवसांपासून काँग्रेस पक्षाचे नेते दररोज मॅरेथॉन बैठका घेत आहेत.
या बैठकांमध्ये काँग्रेसकडून देशातील आगामी निवडणुकांसाठी महत्त्वाची रणनीती आखली जाण्याची शक्यता आहे. ती रणनीती काय असेल हे पाहणे बाकी आहे. पण पहिली पायरी म्हणजे नेतृत्व बदलाची शक्यता आहे. कारण हंगामी अध्यक्ष सोनिया गांधी यांनी पाचही राज्यांच्या प्रदेशाध्यक्षांचे राजीनामे घेतले आहेत.
काँग्रेसचे रणदीप सुरजेवाला यांनी ट्विटरवरून याबाबत माहिती दिली आहे. काँग्रेसच्या नवनिर्वाचित अध्यक्षा सोनिया गांधी यांनी उत्तर प्रदेश, उत्तराखंड, पंजाब, गोवा आणि मणिपूरच्या प्रदेशाध्यक्षांना राजीनामा देण्याचे आदेश दिले आहेत, असे सुरजेवाला यांनी सांगितले.
Congress President, Smt. Sonia Gandhi has asked the PCC Presidents of Uttar Pradesh, Uttarakhand, Punjab, Goa & Manipur to put in their resignations in order to facilitate reorganisation of PCC’s.
— Randeep Singh Surjewala (@rssurjewala) March 15, 2022
रणदीप सुरजेवाला यांनी दिलेल्या माहितीनुसार, पंजाबचे प्रदेशाध्यक्ष नवज्योत सिंग सिद्धू यांनीही आपल्या पदाचा राजीनामा दिला आहे. सिद्धू यांनी निवडणुकीत पराभव झाल्यानंतर सिद्धू यांनी आपल्या पदाचा राजीनामा दिला होता. उत्तराखंडचे प्रदेशाध्यक्ष गणेश गोंदियाल यांनी राजीनामा दिला आहे.
दरम्यान, पाच राज्यांतील विधानसभा निवडणुकीतील पराभवानंतर काँग्रेस कार्यकारिणीची महत्त्वाची बैठक दोन दिवसांपूर्वी दिल्लीत झाली. काँग्रेस अध्यक्षा सोनिया गांधी यांच्या अध्यक्षतेखाली ही बैठक झाली.
या बैठकीला राहुल गांधी (Rahul Gandhi), प्रियांका गांधी (Priyanka Gandhi), पी. चिदंबरम (P.Chidambaram), मल्लिकार्जुन खरगे (Mallikarjun Kharge) यांच्यासह अनेक ज्येष्ठ नेते उपस्थित होते. या भाषणात सोनिया गांधी यांनी पक्षाध्यक्षपदाच्या राजीनाम्याबाबत वक्तव्य केले. मात्र, काँग्रेस कार्यकारिणीने त्यांचा राजीनामा प्रस्ताव एकमताने फेटाळून लावल्याची माहिती सूत्रांनी दिली.
कांग्रेस पार्टी 2024 के लोकसभा चुनाव सहित आगामी चुनावों में चुनावी चुनौतियों का सामना करने के लिए पूरी तरह तैयार है। CWC ने सर्वसम्मति से सोनिया गांधी के नेतृत्व में अपने विश्वास की पुष्टि की और उनसे कांग्रेस का नेतृत्व करने का अनुरोध किया: कांग्रेस pic.twitter.com/asRXNgnTFA
— ANI_HindiNews (@AHindinews) March 13, 2022
काँग्रेस अध्यक्षा सोनिया गांधी यांनी दोन दिवसांपूर्वी आपल्या भाषणात म्हटले होते की, जर पक्षाला असे वाटत असेल तर आपण तिघेही (खुद्द राहुल गांधी, प्रियंका गांधी वाड्रा) राजीनामा देण्यास तयार आहोत.
मात्र, काँग्रेस कार्यकारिणीने एकमताने याचा इन्कार केल्याचे सूत्रांनी सांगितले. चार तास चाललेल्या या बैठकीत पाच राज्यांतील पराभवाच्या कारणांवर चर्चा झाली. या बैठकीनंतर काँग्रेस कार्यकारिणीने एक प्रसिद्धीपत्रक जारी करून बैठकीत झालेल्या चर्चेची माहिती दिली आहे.
