Latur News | केंद्र शासनाने मागील वर्षाप्रमाणे राष्ट्रीय डेंग्यू दिन दिनांक 16 मे 2022 रोजी राज्यात सर्वत्र साजरा करण्याविषयी आदेशीत केले आहे.

डेंग्यू ताप हा विशिष्ठ विषाणूमुळे होतो.डेंग्यूचा प्रसार हा एडीस एजिप्टाय नावाच्या डासांमुळे होतो. सदर डासांची उत्पत्ती साठवलेल्या स्वच्छ पाण्यात होते.

कोणतेही पाणी 8 दिवसापेक्षा जास्त साठवून ठेवल्यास त्यामध्ये डास अंडी घालून अंडयाचे रुपांतर डासात होते. त्यानुषंगाने कोणतेही साठवलेले पाणी 8 दिवसापेक्षा जास्त ठेवू नये ही खबरदारी घेणे अत्यंत आवश्यक आहे.

सध्या उन्हाळा सुरु आहे. जिल्हयातील बऱ्याच गावामध्ये पाण्याचा तुटवडा असल्याने पाणी पुरवठा पुरेशा प्रमाणात न झाल्याने लोकांची पाणी साठविण्याची प्रवृत्ती आढळूण येणे नाकारता येत नाही.

त्यानुषंगाने अशा साठवलेल्या पाण्यात एडीस एजिप्टाय डास अंडी घालून डासोत्पत्ती होते. सदरहू डासांची उत्पत्ती कमी करणे / नियंत्रणात ठेवणे यासाठी लोकांना आरोग्य शिक्षण देणे आवश्यक आहे. लोक सहभागाशिवाय या आजाराचे नियंत्रण शक्य नाही.

● राष्ट्रीय डेंग्यू दिन दिनांक 16 मे रोजी या ही वर्षी साजरा करण्यात येणर आहे.

मागील वर्षीप्रमाणेच डेंग्यू विषयी जनतेमध्ये जागृती निर्माण होऊन प्रतिबंधात्मक उपाययोजनांच्या अंमलबजावणीसाठी जनतेचा सक्रिय सहभाग प्राप्त करुन घेण्याच्या दृष्टीने प्रत्येक वर्षी विविध उपक्रमांव्दारे नागरिकांपर्यंत माहिती पोहोचविण्याचा प्रयत्न करणे हा मोहिमेचा उद्देश आहे.

मागील तीन वर्षात लातूर जिल्ह्यातील डेंग्यू आजाराची परिस्थिती पूढील प्रमाणे आहे. सन 2019 मध्ये संवशयीत 216 दुषित 53 तर मृत्यु 00, 2020 मध्ये संवशयीत 16 दुषित 02 तर मृत्यु 00, 2021 मध्ये संवशयीत 132 दुषित 39 तर मृत्यु 00 तर 13 मे 2022 पर्यंत संवशयीत 12 दुषित 01 तर मृत्यु 00 असा आहे.

जनतेस नम्र आवाहन

राष्ट्रीय किटकजन्य रोग नियंत्रण कार्यक्रमातंर्गत किटकामार्फत विशेषतः डासामार्फत प्रसार होणाऱ्या हिवताप, डेग्यु, चिकुनगुन्या, हत्तीरोग, जे.ई.अशा रोगाच्या नियंत्रणासाठी नियमित कार्य आरोग्य विभागामार्फत करण्यात येते.

या रोगावर नियंत्रण ठेवण्याच्या दृष्टीने सर्व स्तरावरुन नागरीकांचे सहकार्य अपेक्षीत आहे.जणेकरुन या रोगावर प्रभावीपणे नियंत्रण ठेवणे शक्य होईल.

रोगप्रसारक डास व त्याची उत्पत्ती

डासाच्या जीवनचक्रामध्ये चार अवस्था (अंडी,अळी,कोष व प्रौढ डास) असून तीन अवस्था हया पाण्यातील आहेत. पाण्यातील अवस्था नष्ट केल्यास डासाची उत्पत्ती रोखणे शक्य होईल.

अंडीपासून डास तयार होण्यासाठी सर्व साधारपणे 8 ते 10 दिवसाचा कालावधी लागतो. डेग्यु व चिकुनगुन्या या रोगाचा प्रसार करणाऱ्या एडिस इजिप्टाय या डासाची उत्पत्ती प्रामुख्याने आठ दिवसापेक्षा जास्त साठलेल्या स्वच्छ पाणीसाठयामध्ये होतो.

उदाः हौद, माठ, रांजन, रिकामी टायर्स,नारळाच्या करवंटया कुलरमधील पाणी ओव्हरहेड टॅक,भंगार सामान घर व घराच्या परिसरातील सर्व पाणीसाठे.

किटकजन्य रोग प्रतिबंधात्मक उपाययोजना

किटकजन्य रोगाचा प्रतिबंध करण्यासाठी जनतेमार्फत पूढील प्रमाणे उपाययोजना राबविणे. आठवडयातून किमान 1 वेळेस पाण्याचे सर्व साठे रिकामे करुन घासूनपुसून स्वच्छ कोरडे करुन पुन्हा वापरावीत.

पाणीसाठे घट्ट झाकून ठेवावी. डबकी व पाण्याच्या टाक्या यामध्ये डासअळी भक्षक गप्पी मासे सोडावेत पाणी वाहते करणे, डबके बुजविणे,डासोत्पत्तीस्थाने नष्ट करणे, साठलेल्या डबक्यात नाल्यात तेल वंगन टाकावे.

झोपतांना अगरबत्ती व मच्छरदाणीचा वापर करावा. अंगभर कपडे घालावेत. आवश्यकते नुसार अबेटींग करणे, धुर फवारणी करणे इ. आरोग्य विभागामार्फत जिल्ह्यात घरोघरी किटकशास्त्रीय सर्वेक्षण करण्यात येते व गरजेनुसार ॲबेटींग करण्यात येते.

ताप आल्यास तसेच उपरोक्त रोग लक्षणे आढळून आल्यास तात्काळ रक्ताची तपासणी करुन घ्यावी. सर्व प्रा.आ.केंद्र, ग्रामीण रुग्णांलय व जिल्हा रुग्णांलयाच्या स्तरावर डेंग्युच्या निदानाची मोफत सोय उपलब्ध् आहे.

जेणे करुन दवाखान्यात जावून आवश्यकतो उपचार घ्यावा असे आवाहन उप संचालक, आरोग्य सेवा परिमंडळ हेमंतराव बोरसे, मुख्यकारी अधिकारी अभिनव गोयल, सहाय्यक संचालक, आरोग्य सेवा (हिवताप) डॉ.एस.बी. ढगे, जिल्हा शल्यचिकित्सक एल.एस. देशमुख, जिल्हा आरोग्य अधिकारी एच.व्ही. वडगांवे, जिल्हा हिवताप अधिकारी डॉ. शेख आर.आर. यांनी केले आहे.

Latur News : लातूर जिल्ह्यातील साखर कारखान्यानी जवळपासच्या गावांची परस्परात विभागणी करुन घेऊन जलद ऊस गाळपाचे नियोजन करावे मे अखेरपर्यंत कारखाने चालवून जिल्ह्यातील संपूर्ण ऊसाचे गाळप करावे, असे निर्देश राज्याचे वैद्यकीय शिक्षण आणि सांस्कृतिक कार्यमंत्री तथा लातूर जिल्ह्याचे पालकमंत्री अमित विलासराव देशमुख यांनी दिले आहेत.

पालकमंत्री अमित देशमुख यांनी  येथील जिल्हाधिकारी कार्यालयात लातूर जिल्ह्यात आजअखेर गाळपाअभावी शिल्लक राहिलेल्या ऊसाच्या संदर्भाने जिल्हा प्रशासन, साखर आयुक्तालय व सहकारी तसेच खाजगी साखर कारखान्याच्या व्यवस्थापना सोबत संयुक्त आढावा बैठक घेतली.

जिल्ह्यातील साखर कारखान्याची गाळप क्षमता, आजपर्यंत झालेले गाळप, सदया शिल्लक असलेला ऊस, ऊसतोडणी यंत्रणेची सदयस्थिती या संदर्भाने चर्चा झाली.

जिल्ह्यात आणखी सभासद व बिगर सभासद मिळून जवळपास ३ लाख मेट्रीक टन ऊस शिल्लक असल्याची माहिती यावेळी समोर आली.

यावेळी झालेल्या बैठकीत पालकमंत्री श्री देशमुख म्हणाले, सर्व साखर कारखाने यांनी जवळपासची गावे विभागून घेऊन जलद गाळपासाठीचे नियोजन करावे.

सरसकट ऊस गाळप

ऊसतोडणी करतांना सभासद व बिगर सभासद असा भेद न करता सर्वांचा ऊस गाळप व्हावा या दृष्टीने पहावे, सोलापूर व नांदेड जिल्हातील बंद होत असलेल्या कारखान्यातील यंत्रणा तातडीने मागवून घ्यावी.

शेजारी जिल्ह्यांत बंद होत असलेल्या कारखान्यात हार्वेस्टरचे अधिगृहन करावे, लातूर जिल्हाधिकारी यांनी नांदेड व सोलापूर जिल्हाधिकारी यांच्याशी बोलून तोडणी यंत्रणेच्या अधिगृहना बाबत कार्यवाही करावी.

कारखान्याला होणारा पाणीपुरवठा सुरळीत राहण्यासाठी महावितरणने अखंड वीजपूरवठा करावा, जिल्हयात कोणाचाही ऊस शिल्लक राहणार नाही असा शेतक-यांना दिलासा दयावा, ऊसउत्पादक शेतक-यांना त्रास होणार नाही याची दक्षता घ्यावी.

शेतक-यांत चिंतेचे वातावरण निर्माण करणा-या अफवा पसरवल्या जाणार नाहीत याची विशेष काळजी घ्यावी आदी निेर्दश या बैठकीवेळी संबंधितांना त्यांनी दिले.

अधिक काळ कारखाने चालवल्यामूळे कारखान्याचे होणारे नुकसान भरून काढण्यासाठी शासनाच्यावतीने साखर ऊतारा घट आणि ऊस वाहतुकीसाठी अनुदान दिले जाणार असल्याचे सांगून ऊसतोडणी यंत्रणा उपलब्ध करून देण्यासाठी नांदेडमध्ये राज्याचे सार्वजनिक बांधकाम मंत्री अशोकराव चव्हाण व सोलापूर जिल्ह्यात आमदार बबनदादा शिंदे यांना आपण स्वत: बोलणार असल्याचे यावेळी पालकमंत्री देशमुख यांनी म्हटले.

या बैठकीस जिल्हाधिकारी पृथ्वीराज बी. पी., जिल्हा परिषदेचे मुख्य कार्यकारी अधिकारी अभिनव गोयल, मनपा आयुक्त अमन मित्तल, आदिजण उपस्थित होते.

Latur News | लातूरमध्ये एक अतिशय हृदयद्रावक घटना घडली आहे. साठवण तलावात एक मुलगा बुडू लागला. हे पाहून त्या मुलाला वाचवण्यासाठी तलावाशेजारी उभी असलेली एक महिला गेली.

त्यानंतर तलावाच्या किनाऱ्यारील इतरही महिलांनी त्यांची मदत करण्यासाठी पाण्यात प्रवेश केला.

मात्र मुलाला वाचवताना आपलेही प्राण वाचवण्याचे आटोकाट प्रयत्न महिलांनी केले. मात्र पाण्याचा प्रवाह आणि तलावाच्या खोलीचा अंदाज न आल्यानं या पाचही माऊली तलावात बुडाल्या इतर नागरिकांच्या मदतीने मुलाला वाचवण्यात यश आलं.

मात्र या पाचही माऊलींना वाचवता आलं नाही. एकाच वेळी पाच महिलांचा अशा प्रकारे मृत्यू झाल्यामुळे हळहळ व्यक्त केली जात आहे.

लातूरमधील अहमदपूर तालुक्यातील उजना गावच्या परिसरातील साठवण तलावात ही घटना घडली. सकाळी 10 वाजताची ही घटना आहे.

विशेष म्हणजे या पाचही महिला ऊसतोड कामगार होत्या. परभणी जिल्ह्यातील पालम तालुक्यातील तुळशीराम तांडा येथील त्या रहिवासी आहेत.

कामानिमित्त त्या या भागात आल्या होत्या. मात्र बुडणाऱ्या मुलाला वाचवण्याच्या प्रयत्नात या पाचही महिलांचा करुण मृत्यू झाला.

मृत महिलांची नावं : राधाबाई आडे (वय-45), सुषमा राठोड (वय-21), काजल आडे (वय-19), दिक्षा आडे (वय-22), अरुणा राठोडा (वय-25)

महिला बुडत असल्याचे पाहिल्यानंतर तलावावरील इतरांनी गावकऱ्यांना ही बातमी दिली. त्यानंतर गावकरी त्यांना वाचवण्यासाठी पोहोचले.

मात्र या घटनेत फक्त मुलाला वाचवण्यात त्यांना यश आले. अखेर पाचही महिलांचे मृतदेह तलावाबाहेर काढण्यात आले.

मुंबई : खासदार नवनीत राणा आणि आमदार रवी राणा या राणा दाम्पत्याने हनुमान चालीसाचे पठण करण्याचा आक्रमक पवित्रा घेतला होता.

आज मुंबईत उद्धव ठाकरेंची सभा होणार असून आज राणा दाम्पत्य दिल्लीतील हनुमान मंदिरात महाआरती करणार आहेत.

दरम्यान, राष्ट्रवादी काँग्रेस पक्षाच्या प्रदेशाध्यक्षपदी नुकतीच निवड झालेल्या विद्या चव्हाण यांनी नवनीत राणा यांच्यावर या वादावर टीका केली आहे.

Gyanvapi Masjid Case : ज्ञानवापी प्रकरणात ‘तो’ कायदा होऊ शकतो निर्णयाचा आधार, केंद्र सरकार त्यात सुधारणा करणार का?

नवनीत राणा आणि रवी राणा यांनी आज दिल्लीतील हनुमान मंदिरात महाआरती करणार असल्याची घोषणा केली होती. यावर आता विद्या चव्हाण यांनी नवनीत राणा यांच्यावर टीका केली आहे.

विद्या चव्हाण म्हणाल्या, जो कोणी मुख्यमंत्र्यांच्या खुर्चीचा अपमान करतो, तो कितपत योग्य आहे? आणि या नवनीत राणा कोण आहेत? तिने यापूर्वी एका बारमध्ये काम केले होते. त्यांच्याबद्दल सर्वांना माहिती आहे.

खोटे जात प्रमाणपत्र दाखवून ते खोटे खासदार बनले आहेत. त्यांना इतकं महत्त्व देण्याची गरज नाही. मीडियाच्या चर्चेत राहण्यासाठी हे जोडपं असं करत आहे.

विद्या चव्हाण यांनी नवनीत राणा यांचे पती आमदार रवी राणा यांच्यावरही टीका केली आहे. निवडणुकीच्या काळात मते मिळवण्यासाठी मतदारांना वेगवेगळी आमिषे दाखवल्याचेही त्यांनी सांगितले.

विद्या चव्हाण म्हणाल्या, राणा दाम्पत्य अमरावतीत काय करत होतं, हे सगळ्यांना माहित आहे. रवी राणांनी निवडणुकीच्या वेळी मतदारांना कुकर वाटले.

पण कुकरला झाकणच नव्हतं. महिला त्यांना विचारायला गेल्या. तर रवी राणा म्हणाले की मला मतं दिल्यानंतर तुम्हाला झाकणं देतो.

RECENT POSTS

• अभिनेत्री केतकी चितळे बायोग्राफी | Ketaki Chitale Marathi Actress Profile, Biography, Biodata, Wiki, Age, Family
• Actress Ketki Chitale । अभिनेत्री केतकी चितळेची शरद पवारांबद्दल आक्षेपार्ह पोस्ट; पोलिसांत गुन्हा दाखल
• रामदास आठवले, प्रकाश आंबेडकर हे पंतप्रधान मोदींचे गुलाम; नितीन राऊत यांची टीका