बीड : निवडणूक आयोगाने विधान परिषदेच्या 10 जागांसाठी निवडणूक जाहीर केली आहे. पुढील महिन्यात 20 जून रोजी 10 जागांसाठी निवडणूक होणार आहे.

त्यामुळे या निवडणुकीत कोणाला उमेदवारी मिळणार हे पाहणे महत्त्वाचे ठरणार आहे. या निवडणुकीत भाजप नेत्या पंकजा मुंडे (BJP Leader Pankaja Munde) यांना पक्षाकडून संधी मिळणार का? हे पाहणे महत्त्वाचे ठरणार आहे.

दरम्यान, या निवडणुकीबाबत पंकजा मुंडे यांनी मोठे वक्तव्य केले आहे. पंकजा मुंडे यांनी ‘TV9 मराठी’ वृत्तवाहिनीवर प्रतिक्रिया देताना विधान परिषद निवडणुकीबाबत मोठे वक्तव्य केले आहे. मी विधान परिषदेवर जावे, अशी कार्यकर्त्यांची इच्छा आहे, असे पंकज म्हणाले.

• Sambhaji Raje: महाराज, तुमच्या नजरेतलं स्वराज्य मला घडवायचंय : संभाजीराजेंचं भावनिक ट्विट

मी विधान परिषदेवर जावे, अशी कार्यकर्त्यांची इच्छा आहे. पण विधान परिषद निवडणुकीबाबत माझी कोणाशीही अशी चर्चा होत नाही. प्रत्येक वेळी निवडणूक आली की माझ्या नावाची चर्चा होते.

आता हा पायंडा पडला आहे. सध्यातरी एकटीचे नाव पुढे येत नाही. अनेक जागा आहेत. पक्ष काय निर्णय घेतो हे कळल्यानंतरच निर्णय होईल, असे पंकजा मुंडे म्हणाल्या.

दरम्यान, सध्याच्या राजकीय घडामोडींवरही पंकजा मुंडे यांनी प्रतिक्रिया दिली. “महाराष्ट्राचे सध्याचे राजकारण पाहता तणाव जाणवतो.

टीव्ही चालू केला की टेन्शन वाढते. कधी कधी मनोरंजनाचे कार्यक्रम बघायला मिळतात. काही कमेंट्स असतात. सध्या तरी राज्यात प्रत्येकाला खुलेपणाने व्यक्त होणं अवघड जातं, असेही पंकजा म्हणाल्या.

पंकजा मुंडे (BJP Leader Pankaja Munde) यांनीही ओबीसी आरक्षणाच्या मुद्द्यावर प्रतिक्रिया दिली. “मध्य प्रदेशने जे केले ते या सरकारला मान्य नाही, कारण राज्य सरकारने तसे केले नाही. आम्ही त्यांना वेळोवेळी सांगत होतो. इम्पेरिकल डेटाचा विषय वेगळा आहे.

• ‘बाबा, आठवण येतेय तुमची’ विलासरावांच्या आठवणीने गहिवरलेल्या रितेशची पोस्ट वाचून सर्वांचेचं डोळे पाणावले !

त्यांनी आता लवकरात लवकर करु असं सांगितलं, त्यांनी ते करावं. ओबीसी आरक्षण वगळता निवडणुका होऊच नये हाच माझा आग्रह आहे. तसं झालं तर फार कठीण होईल.

पक्ष आपापल्या पद्धतीने निर्णय घेतील. पण मागासवर्ग समाजाला संधी देण्याती आवश्यकता आहे”, अशी प्रतिक्रिया त्यांनी दिली.

या आमदारांचा कार्यकाळ संपला, कोणाला संधी मिळणार?

राज्यसभेपाठोपाठ विधान परिषदेच्याही निवडणुका होणार आहेत. एकूण 10 जागांसाठी निवडणूक होणार आहे. विधान परिषदेच्या आमदारांचा कार्यकाळ संपुष्टात आला आहे.

त्यात रामराजे निंबाळकर, सुभाष देसाई, प्रवीण दरेकर, प्रसाद लाड, सदाभाऊ खोत यांचा समावेश आहे. त्यामुळे या जागेवर भाजप, राष्ट्रवादी आणि शिवसेनेकडून कोणाला उमेदवारी मिळणार हे पाहणे बाकी आहे.

भाजपने प्रवीण दरेकर, सदाभाऊ खोत, प्रसाद लाड, विनायक मेटे यांना उमेदवारी दिली होती. सदाभाऊ खोत आणि प्रवीण दरेकर महाविकास आघाडी सरकारवर एका ना कोणत्या मुद्द्यावरून हल्लाबोल करत आहेत.

सदाभाऊ खोत गेल्या अनेक वर्षांपासून चर्चेत आहेत. त्यामुळे सदाभाऊ खोत यांना आणखी एक संधी मिळणार का, हे पाहावे लागणार आहे.

• Pradhan Mantri Jeevan Jyoti Bima Yojana | प्रधानमंत्री जीवन ज्योती विमा योजेनचा लाभ कसा घ्यावा, जाणून घ्या पूर्ण माहिती !

राष्ट्रवादीकडून रामराजे निंबाळकर यांना उमेदवारी देण्याची शक्यता आहे. रामराजे निंबाळकर हे राष्ट्रवादीचे ज्येष्ठ नेते आहेत. सध्या ते विद्यमान सभापती आहेत.

त्यामुळे त्यांना आणखी एक संधी मिळणार आहे. शिवसेनेकडून सुभाष देसाई यांना उमेदवारी मिळण्याची शक्यता आहे. मात्र, महाविकास आघाडी सरकार सदस्य संख्येच्या आधारे नवीन रणनीती आखेल अशी अपेक्षा आहे.

विधान परिषदेच्या निवडणुकीसाठी विधान परिषदेचे सदस्य मतदान करत आहेत. उमेदवाराला निवडून येण्यासाठी 27 मतांची आवश्यकता असते.

भाजपकडे 113 आघाडीच्या जागा आहेत. त्यामुळे चार उमेदवार सहज निवडून येऊ शकतात. महाविकास आघाडी पक्षाकडून कोणत्या नेत्याला संधी मिळणार हे महत्त्वाचे ठरणार आहे.

Also Read

• Income Tax : उद्यापासून बदलताय इनकम टॅक्‍सचे नियम, व्यवहार करण्यापूर्वी जाणून घ्या
• आपल्या मुलांना शिकविणाऱ्या शिक्षिकेवर डॉक्टरचा बलात्कार; गर्भपातही केला
• लातूर : जुळ्या दिराचा वहिनीवर बलात्कार; नवऱ्यासारखा दिसत असल्याचा घेतला गैरफायदा

मुंबई: संभाजी राजे यांनी राज्यसभेच्या सहाव्या रिक्त जागेसाठी निवडणूक लढवण्याचा निर्णय घेतला असून सर्वपक्षीय आमदारांना पाठिंबा देण्याचे पत्र त्यांनी लिहून दिले आहे.

त्यानंतर संभाजी राजेंनाही शिवसेनेने ऑफर दिली होती. मात्र, शिवसेनेच्या प्रस्तावाला संभाजी राजे (Sambhaji Raje) यांनी प्रतिसाद न दिल्याने अखेर शिवसेनेने सहाव्या जागेवरून संजय पवार यांना उमेदवारी देण्याचा निर्णय घेतला.

त्यामुळे संभाजी राजेंचे कार्यकर्ते चांगलेच आक्रमक झाले. दरम्यान, संभाजी राजे छत्रपती यांनी आज एक सूचक ट्विट केले आहे.

संभाजीराजे छत्रपती यांनी ट्विटरवर एक फोटो पोस्ट केला आहे. छत्रपती शिवाजी महाराज यांच्या समोर नतमस्तक होणारा फोटो संभाजीराजेंनी शेअर केला आहे. हा फोटो पोस्ट करताना संभाजीराजेंनी लिहिलं, “महाराज… तुमच्या नजरेतलं #स्वराज्य मला घडवायचंय… मी कटीबद्ध असेन तो तुमच्या विचारांशी… मी बांधील असेन तो फक्त जनतेशी..”

संभाजी राजेंनी केलेल्या या ट्विटमुळे आता संभाजीराजे काय निर्णय घेतात याकडे सर्वांचे लक्ष लागले आहे. शिवसेनेने संजय पवार यांना सहाव्या जागेसाठी उमेदवारी दिल्यानंतर आता संभाजी राजे स्वतंत्र निवडणूक लढवणार की नाही? हे अद्याप स्पष्ट झालेले नाही.

त्यामुळे शिवसेना पक्षप्रमुख उद्धव ठाकरे जोपर्यंत सहाव्या जागेसाठी अधिकृत उमेदवार जाहीर करत नाहीत, तोपर्यंत संभाजी राजे प्रतिक्रिया देणार नाहीत.

शिवसेना आज उमेदवारी अर्ज दाखल करणार आहे

महाराष्ट्रात राज्यसभेच्या सहा जागांसाठी निवडणूक होत आहे. त्यासाठी शिवसेनेचे दोन उमेदवार आज उमेदवारी अर्ज दाखल करणार आहेत.

शिवसेना नेते संजय राऊत आणि कोल्हापूर जिल्हाप्रमुख संजय पवार आज दुपारी एक वाजता विधानभवनात उमेदवारी अर्ज दाखल करणार आहेत. यावेळी शिवसेना पक्षप्रमुख आणि मुख्यमंत्री उद्धव ठाकरे तसेच शिवसेनेचे ज्येष्ठ नेते आणि मंत्रीही उपस्थित राहणार आहेत.

सहाव्या राज्यसभेच्या जागेसाठी कोण उमेदवार असेल यावर गेल्या काही दिवसांपासून जोरदार चर्चा सुरू आहे. युवराज संभाजीराजे छत्रपती यांनी स्वराज्य संघटना स्थापन केल्याने त्यांनी अपक्ष उमेदवारी जाहीर केली होती.

त्यांनी शिवसेनेला शिवसेना पुरस्कृत उमेदवारी जाहीर करण्याचा प्रस्ताव ठेवला होता, मात्र शिवसेनेने त्यांना पक्षात प्रवेश देण्याची अट ठेवली होती.

त्यामुळे स्वतंत्र धनुष्यबाण सांभाळणारे युवराज संभाजी राजे छत्रपती आणि शिवसेना यांच्यातील वादाने कळस गाठला होता.

अखेर शिवसेनेने कोल्हापूर जिल्हाप्रमुख संजय पवार यांची उमेदवारी जाहीर केली. आता संभाजी राजे अपक्ष उमेदवारी दाखल करतात का, असा प्रश्न सर्वांना पडला आहे.

कोल्हापूर : संभाजीराजे यांना अपक्ष उमेदवार म्‍हणून पाठिंबा देण्‍यास शिवसेनेने नकार दिल्‍यानंतर मराठा संघटनांसह आणि संभाजीराजे समर्थकांमध्‍ये नाराजीचा सूर उमटू लागला आहे.

याच धर्तीवर आता ‘राज्यसभा नव्हे तर संपूर्ण राज्यच घेणार’ अशा आशयाचे पोस्टर सोशल मीडियावर व्हायरल होत आहे.

‘इतिहासाची पुनरावृत्ती, महाराष्ट्रात स्वराज्य निर्मिती’ अशा ओळी असणाऱ्या या पोस्टरच्या माध्यमातून संभाजीराजे २०२४ ची निवडणूक लढवणार असल्याचेही सूचित केल्याची चर्चा साेशल मीडियावर रंगली आहे.

गेल्या काही दिवसांपासून शिवसेनेकडे असणाऱ्या राज्यसभेच्या सहाव्या जागेसाठी उमेदवारी कोणाला मिळणार याबद्दल चर्चेला ऊत आला होता. संभाजीराजे यांनी पक्ष प्रवेश करावा, असे आवाहन शिवसेनेने केले हाेते.

संभाजीराजे यांनी शिवसेनेत पक्ष प्रवेशास नकार देत राज्‍यसभा निवडणूक अपक्ष म्‍हणून लढविणार असल्‍याचे स्‍पष्‍ट केले.

मंगळवारी (दि.२४) रोजी शिवसेनेने काेल्‍हापूरचे जिल्‍हा प्रमुख संजय पवार यांना उमेदवारी जाहीर केली.

छत्रपती संभाजीराजेंना डावलले गेल्यामुळे मराठा संघटना आणि संभाजीराजे समर्थकांच्यातून निराशेचा सुरु उमटू लागला आहे.

या पार्श्वभूमीवर संभाजीराजे समर्थकांकडून एक पोस्टर शेअर केले जात असून यामध्ये संभाजीराजें आता महाराष्ट्र काबीज करण्यासाठी २०२४ ची निवडणूक लढवणार, अशा संदेश दिला आहे. आता संभाजीराजेंची पुढील भूमिका काय असणार याकडेच सर्वांचे लक्ष वेधले आहे.

उत्तर प्रदेशचे भाजपाचे खासदार बृजभूषण सिंह यांनी मनसे अध्यक्ष राज ठाकरे यांनी उत्तर भारतीयांची माफी मागितली नाही, तर त्यांनी अयोध्येत पाऊल ठेवू देणार नाही, असे म्हटले होते.

त्यानंतर अयोध्येसह महाराष्ट्रात राजकारण तापलं आहे. अशातच आता मनसेकडून बृजभूषण सिंह यांना प्रत्युत्तर देत इशारा देण्यात आला आहे.

मनसेचे सरचिटणीस वैभव खेडेकर यांनी सोशल मीडिया पोस्ट शेअर करत हा इशारा दिला आहे. “बृजभूषण सिंह याने महाराष्ट्राच्या मातीवर पाऊल ठेवून दाखवावे दाखवावे, त्याच्या तंगड्या हातात दिल्याशिवाय आम्ही गप्प बसणार नाही”, असा इशारा त्यांनी दिला आहे.

“राज ठाकरेंनी हिंदुत्वाची भूमिका घेतल्यानंतर राम लल्लाचं दर्शन घेण्याची इच्छा बोलून दाखवली आणि या दौऱ्याची देशभर चर्चा सुरू झाली.

अनेकांच्या पायखालची वाळू सरकू लागली. मग राज ठाकरेंना एकटे पाडण्याचा प्रयत्न झाला. बृजभूषण सिंह यांचे फोटो राष्ट्रवादीच्या नेत्यांबरोबर व्हायरल झाली.

त्यांना महाराष्ट्रातून रसद पुरवण्यात आली. त्यानंतर बृजभूष सिंह यांनी अशी भूमिका घेतली. मात्र आम्ही नेहमीच एकटे होतो. आम्हाला त्याने फरक पडत नाही.

सुपारीबाज बृजभूषण सिंह याने राज ठाकरे यांना अयोध्येत यायला विरोध केला. एक हिंदू असून एका हिंदूला श्री रामांच्या दर्शनाला येण्यापासून त्याने रोखले.

5 तारखेला अयोध्येत राज ठाकरेंसोबत येणाऱ्या प्रत्येकाला शरयू नदीत बुडवण्याची भाषा त्याने केली. तसेच, ब्रिजभूषण याने मुंबईत येऊन सभा घेण्याचे ट्विट केले आहे.

बृजभूषण सिंह याने महाराष्ट्राच्या मातीवर पाऊल ठेवून दाखवावे, त्याच्या तंगड्या हातात दिल्याशिवाय आम्ही गप्प बसणार नाही.

त्याला माझे निमंत्रण आहे, त्याने कधीही महाराष्ट्रात येऊन दाखवावे”, असे खुले आवाहन मनसेचे सरचिटणीस वैभव खेडेकर यांनी आज सोशल मीडियावर द्वारे केले आहे.

राज ठाकरे आता खेळाचं मैदान सोडून पळतात

बृजभूषण सिंह यांनी प्रसार माध्यमांशी संवाद साधला. त्यावेळी ते म्हणाले की, राज ठाकरे आता खेळाचं मैदान सोडून पळत आहेत.

ठाकरेंना ट्रॅप केलं जातंय अशा प्रकारचा आरोप देखील त्यांनी आमच्यावर लावला आहे. परंतु कोण षडयंत्र करत होतं आणि त्यांना ट्रॅप करत होतं, ते त्यांनाच माहिती आहे.

मात्र, अयोध्येला 5 जून रोजी 5 लाख लोकांसोबत मी जाणार आहे. 5 जूनला मी सर्व लोकांसोबत महादर्शन करणार असून मी एक कार्यक्रम ठेवला आहे.

यावेळी मुख्यमंत्री योगी आदित्यनाथ यांचा जन्मदिवस आहे. त्यांच्या वाढदिवसानिमित्त आमचे चिरंजीव 50 क्विंटलचा लाडू तयार करणार आहेत.

आम्ही हनुमान आणि श्री रामाचं दर्शन करणार आहोत, असं खासदार बृजभूषण सिंह म्हणाले.