मुंबई : राज्याचे माजी मुख्यमंत्री उद्धव ठाकरे सध्या मोठ्या राजकीय संकटातून जात आहेत. त्यांच्याच पक्षाच्या आमदारांनी आधी बंडखोरी केली, नंतर पक्ष आणि पक्ष चिन्हावर दावा केला.
त्यामुळे पक्षाचे नाव आणि चिन्हेही गोठवण्यात आली होती. उद्धव ठाकरेंच्या राजकीय जीवनातील ही सर्वात कठीण घटना आहे.
त्यावेळी महाविकास आघाडीच्या नेत्यांकडून उद्धव ठाकरेंना प्रोत्साहन दिले जात असतानाच काश्मीरमधील नेत्यांकडून नॅशनल कॉन्फरन्सचे प्रमुख फारुख अब्दुल्ला यांनी उद्धव ठाकरेंना प्रोत्साहन दिले.
फारुख अब्दुल्ला यांनी उद्धव ठाकरेंना वडिलांप्रमाणे लढण्याचा सल्ला दिला आहे. निमित्त होते राष्ट्रवादीचे नेते छगन भुजबळ यांच्या अमृतमहोत्सवी वर्षाचे.
छगन भुजबळ यांच्या 75 व्या वाढदिवसानिमित्त षण्मुखानंद सभागृह, मुंबई येथे सत्काराचे आयोजन करण्यात आले होते.
Crime News : आजोबांसह चुलत भावाने केला अल्पवयीन मुलीवर बलात्कार, व्हिडिओ व्हायरल
यावेळी राष्ट्रवादीचे सर्वेसर्वा शरद पवार आणि नॅशनल कॉन्फरन्सचे फारुख अब्दुल्ला उपस्थित होते. या कार्यक्रमाला उद्धव ठाकरेही उपस्थित होते. या कार्यक्रमाच्या निमित्ताने उद्धव ठाकरे आणि फारुख अब्दुल्ला यांची भेट झाली.
अब्दुल्ला यांनी उद्धव ठाकरे यांची आस्थेवाईकपणे विचारपूस केली. त्यानंतर धीर देत अजिबात घाबरू नकोस. वडिलांसारखं लढ, असे अब्दुल्ला म्हणाले.
त्यावर मी ही लढाई अजिबात सोडणार नाही, असे उद्धव ठाकरे यांनी सांगितले. उद्धव ठाकरे यांनी स्वत: भाषणात हे स्पष्ट केले.
शिवसेनेने अशा अनेक वादळांनातोंड दिले आहे. आमच्यासोबत वादळ निर्माण करणारे आहेत. वादळ असो वा पाऊस, जे अविचल उभे असतात ते आपल्या सोबत असतात. त्यामुळे कोणतीही भीती नसल्याचे त्यांनी सांगितले.
आजकाल प्रत्येक गोष्टीसाठी न्यायालयात जाऊन लढावे लागते. तुम्हाला मैदान हवे असेल तर कोर्टात जा. हिंमत असेल तर मैदानात या. मी तयार आहे.
मी मैदानात उतरलो आहे. आम्हाला मैदान कसे मिळणार नाही हे पाहण्यापेक्षा दोघांनाही मैदानात येऊ द्या आणि जे काही होईल ते होऊ द्या, असे आव्हान उद्धव ठाकरे यांनी शिंदे गटाला दिले.
अडीच ते तीन वर्षांपूर्वी आपण एका नव्या समीकरणाला जन्म दिला. हे समीकरण आम्ही यशस्वीपणे चालवले आहे. ते पाहिल्यानंतर पोटात गोळा येणे स्वाभाविक आहे.
सर्व काही खालच्या पातळीवर आणले जात आहे. राजकारणाचा विचार करण्यापेक्षा प्रश्न विचारणारे राजकारणी कमी आहेत, अशी खिल्ली त्यांनी यावेळी मारली.
