अमरावती: धर्मपीठावर बसने हे औचित्य भंग आहे, धर्मा पीठावर कुणाचे पीठादी पती म्हणून नियुक्ती होत असताना त्या ठिकाणी माझे काम नाही, मंदिराच्या आत आमचं काही काम नसून, मंदिराच्या बाहेर दंडा घेवून रखवाली करण्याच आमचं काम आहे.

मंदिराच्या आतमधील गोष्टी आमच्या मर्यादेत नाही असंही राष्ट्रीय स्वयंसेवक संघाचे सरसंघचालक मोहन भागवत (Mohan Bhagwat) म्हणाले.

आज अमरावतीमध्ये भानखेडा स्थित संत कंवर धाममध्ये गद्दीनशिणी समारोह संपन्न झाला. या समारोहात सरसंघचालक मोहन भागवत प्रमुख पाहूणे होते. यावेळी त्यांना सिंधी बांधवांनी त्यांच्याकडे सिंधी विद्यापीठाची मागणी केली.

यावेळी त्यांनी, लोक माझ्याकडे जी मागणी करतात ती मागणी मी सरकारपर्यंत पोहोचवण्याचे काम करतो, असं भागवत (Mohan Bhagwat) म्हणाले.

‘मी संघाचा सरसंघचालक आहे. मी सरकारमध्ये जात नाही. सरकारने एकच गोष्ट माझ्यावर थोपवली आहे, ती म्हणजे सरकारने दिलेली सिक्युरिटी परंतु जेव्हा मी समाजात जातो आणि काही लोक मला काही मागणी करतात, तेव्हा मी ते सरकारकडे पोहोचवण्याचा प्रयत्न करतो, असे सरसंघचालक मोहन भागवत यांनी आज अमरावती येथे संत कवररामधाम येथील कार्यक्रमात बोलताना सांगितले.

सिंधी बांधवांनी सरसंघचालक मोहन भागवत (Mohan Bhagwat) यांच्याकडे सिंधी विद्यापीठाची मागणी केली त्यावेळी त्यांनी हे वक्तव्य केलं.

सरकारच्या नावातच ‘स’ म्हणजेच सकारात्मकता व ‘रकार’ म्हणजे सरकार असेपर्यंत सरकार करेल, मात्र समाज एकत्र असेल आणि समाजाचा दबाव असेल तर सरकारला त्या गोष्टी करणे बंधनकारक असतं, मग ते सरकार कोणतेही असो, सरकारला समाजाच्या सोबत राहावे लागते.

समाज ठरवेल तेच सरकार राहू शकते, असंही भागवत म्हणाले. चांगला विचार करणे गरजेचे आहे. संपूर्ण समाजाने वाईट विचार केला तर त्यातून गुंडागर्दी निर्माण होऊ शकते. वाईट गोष्टी घडतात म्हणून सर्वांचे मन चांगले बनावे असंही मोहन भागवत (Mohan Bhagwat) म्हणाले.

भंडारा : अधिकाऱ्यांवर हल्ला करणाऱ्या आरोपींसोबत मटण पार्टी झोडणे पोलिसांना भोवले आहे. भंडाऱ्यात उपविभागीय अधिकाऱ्यांना मारहाण करणाऱ्या आरोपींना पकडण्यासाठी गेलेल्या पोलिसांनी आरोपींसोबत मटण पार्टी केली होती. या पार्टीचा व्हिडिओही सोशल मीडियावर व्हायरल झाला होता.

याबाबतचं वृत्त माध्यमांनी प्रसारित केले होते. सोशल मीडियावर देखील बरीच चर्चा होती. भंडाऱ्याचे पोलीस अधीक्षक वसंत जाधव यांनी या वृत्ताची दखल घेतली.

मटण पार्टी झोडणाऱ्या तीनही पोलीस कर्मचाऱ्यांवर निलंबनाची कारवाई केली आहे. दिलीप धावडे, खुशाल कोचे, राजेंद्र लांबट अशी निलंबित पोलीस कर्मचाऱ्यांची नावे आहेत.

काय आहे प्रकरण?

मंगळवारी पहाटे ३:३० वाजेच्या सुमारास भंडारा येथील उपविभागीय अधिकाऱ्यांना वाळू माफियांनी मारहाण केली होती. यावेळी त्यांच्या गाडीच्या काचाही फोडण्यात आल्या होत्या. २० ते २५ वाळू माफियांनी हा हल्ला केला होता.

याप्रकरणी उपविभागीय अधिकाऱ्यांनी पवनी पोलीस ठाण्यात रीतसर तक्रारही दिली होती. त्यांच्या तक्रारीनंतर आरोपींच्या शोधासाठी काही पोलीस रवानाही झाले होते.

मात्र आरोपींना पकडून आणण्यापेक्षा पोलिसांनी त्याच्यासोबत एका हॉटेलमध्ये मटण पार्टी केल्याचा व्हिडिओ सोशल मीडियावर व्हायरल झाला होता.

व्हिडिओत नेमकं काय होतं?

आरोपींसोबत केलेल्या मटण पार्टीत दिलीप ढवळे नामक पोलीस कर्मचाऱ्यांचे संभाषण सुरू होते. हा तर किरकोळ विषय आहे, तुमसर पोलीस स्टेशनला असताना अनेक आरोपींची नावे स्वत: उडवली आहेत, असं धक्कादायक वक्तव्य पवनी पोलीस स्टेनमध्ये कार्यरत असलेल्या दिलीप ढवळे नामक पोलीस कर्मचाऱ्याने केल्याचे व्हिडीओमध्ये दिसत स्पष्ट दिसत होते. या व्हिडिओमुळे पोलिस दलात मोठी खळबळ उडाली होती.

शिवसेना आमदारांनी केली होती कारवाईची मागणी

भंडारा-पवनी विधानसभा क्षेत्राचे शिवसेना आमदार नरेंद्र भोंडेकर यांनी हा व्हिडिओ प्रसारमाध्यमांना दाखवत पोलीस आणि वाळू माफिया यांचे संबध किती सुमधुर आहेत.

अधिकाऱ्यांवर हल्ला करणाऱ्या आरोपींना पवनी पोलीस कसे पकडतील, असा प्रश्न उपस्थित केला होता. इतकेच नाही तर त्यांनी पोलीस कर्मचाऱ्यांवर कारवाई करण्याची मागणीही केली होती.

दरम्यान, भंडाऱ्याचे पोलीस अधीक्षक वसंत जाधव यांनी या प्रकरणाची दखल घेत तीनही पोलिस कर्मचाऱ्यांना निलंबित केले आहे.

तसेच तीनही पोलिस कर्मचाऱ्यांना पोलीस मुख्यालयात हजर राहण्याचे आदेश देण्यात आले असून उपअधिक्षकांच्या परवानगी शिवाय त्यांना मुख्यालय सोडण्यास मनाई करण्यात आली आहे.

पोलिसांना प्रदान करण्यात आलेल्या गैरवापर करून पोलिस दलाची प्रतिमा मलिन केल्याबद्दल त्यांच्यावर ही कारवाई करण्यात आली आहे.

मुंबई : काही राज्यांमध्ये मास्कची सक्ती करण्यात आल्याने आणि कोरोना संसर्ग दिसून येत असल्याने राज्य सरकार पुन्हा अलर्ट मोडवर (Government Again on Alert Mode) आले आहे.

यासंदर्भात पंतप्रधान मोदींनी (PM Modi) राज्यातील सर्व मुख्यमंत्र्यांची बैठकही घेतली आहे. त्यानंतर राज्य सरकारचा पुढील आराखडाही आरोग्यमंत्री राजेश टोपे (HM Rajesh Tope) यांनी जाहीर केला.

मास्कबाबत अंतिम निर्णय मुख्यमंत्री उद्धव ठाकरे (CM Udhav Thakrey) घेतील असेही ते म्हणाले. त्यानंतर आजच्या मंत्रिमंडळाच्या बैठकीत मास्क बाबत मोठा निर्णय होण्याची अपेक्षा होती.

मात्र, मास्कबाबत अद्याप कोणताही निर्णय झालेला नाही, असे राजेश टोपे यांनी आजच्या बैठकीनंतर सांगितले. तसेच मास्क घालण्याचे आवाहन केले आहे पण सक्ती नाही, असे टोपे म्हणाले.

तसेच कोरोना स्थितीचा आढावा घेतला, पॉजीटिव्ह रेट 0.3 वरून 0.7 वर गेला आहे. आम्ही कोरोना संसर्ग आणि रुग्ण संख्येवर लक्ष ठेवून आहोत, असे टोपे म्हणाले.

इतर महत्त्वाचे निर्णय

आजच्या बैठकीत आणखी काही महत्त्वाचे निर्णय घेण्यात आल्याचेही त्यांनी सांगितले. महात्मा ज्योतिबा फुले आरोग्य योजनेतील बचत 250 कोटी रुपये आहे.

वैद्यकीय सुविधा नसलेल्या १९ जिल्ह्यांना ही रक्कम देण्यात आल्याचे टोपे यांनी सांगितले. कॅन्सर आणि हृदयविकारासाठी आज मंत्रिमंडळात मोठी तरतूद करण्यात आली आहे, टोपे यांनी ही माहिती दिली.

राज्यातील सध्याची कोरोनाची आकडेवारी अद्याप चिंतेचे कारण नाही. त्यामुळे मास्कबाबत कोणताही मोठा निर्णय झालेला नाही.

लसीकरण पूर्ण करण्यावर आणि बूस्टर डोस देण्यावरही सरकार भर देत आहे. संभाव्य धोका ओळखून सरकार पुन्हा अलर्ट मोडवर आले आहे.

ऊस उत्पादकांना मोठा दिलासा

ऊस उत्पादकांना दिलासा देण्यासाठी आजच्या मंत्रिमंडळात मोठा निर्णय घेण्यात आला आहे. 1 मे पासून सुरू होणाऱ्या ऊस कारखान्यांना प्रतिटन 5 रुपये अनुदान देण्यात आले आहे.

तसेच प्रतिटन 200 रुपये अनुदान देण्यात आल्याचे त्यांनी सांगितले. इंधन दरवाढीबाबत कोणताही निर्णय झालेला नाही, असेही ते म्हणाले.

इंधन दरवाढीवरून मोदींशी झालेल्या चर्चेनंतर अनेक राजकीय आरोप केले जात होते. आज मोठा निर्णय अपेक्षित होता. मात्र आज कोणताही निर्णय झालेला नाही.

जळकोट : तालुक्यात गतवर्षी 1282 हेक्टर क्षेत्रावर ऊस लागवडीची नोंद झाली होती. यावर्षी 1699 हेक्टर क्षेत्रावर उसाची लागवड झाली आहे. याचाच अर्थ शेतकऱ्यांनी यंदा उसाचे क्षेत्र 417 हेक्टरपर्यंत वाढवले ​​आहे.

त्यामुळे शेतकऱ्यांचा कल ऊस लागवडीकडे आहे. मात्र, अद्यापही जळकोट तालुक्यात 200 हेक्टर क्षेत्रावर उसाचे पीक घेतल्याचा अंदाज कृषी विभागाने व्यक्त केला आहे.

यावर्षी शेतकऱ्यांचा ऊस वेळेवर गेला नाही. ऊस तोडणीचा कार्यक्रम एक ते दीड महिना लांबला. त्यामुळे शेतकऱ्यांना अनंत अडचणींना सामोरे जावे लागले.

जळकोट तालुक्‍याजवळील विकास 2 सहकारी साखर कारखान्याने क्षमतेपेक्षा दुप्पट वेगाने उसाचे गाळप केले, परंतु उसाचे क्षेत्र मोठे असल्याने कारखाना अद्यापही शेतकऱ्यांचा ऊस कारखान्यापर्यंत पोहोचवण्याचा प्रयत्न करत आहे. त्यासोबतच काही शेतकऱ्यांनी अंदाज पाहून आपला ऊस कर्नाटकातील कारखान्याना दिला आहे.

शेतकऱ्यांचा ऊस जाण्यास बराच कालावधी लागला होता. नवीन ऊस लागवडीचा प्रश्नच उद्भवत नव्हता, कारण यंदा उसाचे क्षेत्र घटेल, अशी अपेक्षा होती, मात्र उसाचे क्षेत्र कमी झालेले नाही.

याउलट जळकोट तालुक्यात उसाची लागवड 400 हेक्टरपर्यंत वाढली आहे. त्यामुळे पुढील वर्षीचा ऊस कारखान्याकडे कसा जाणार, असा प्रश्न निर्माण झाला आहे.

जळकोट तालुक्यात रावणकोला, मल्हीप्परगा, जिरगा, ढोरसांगवी, हळदवधवणा, डोंगर कोनाळी, सोनवळा, करंजी, डोंगरगाव, तिरुका, जंगमवाडी, चेरा, हावरगा, गुटी, घोणसी आदी ठिकाणी साठवण तलाव असल्याने उसाचे क्षेत्र वाढले आहे.

पाणीसाठा सिंचन प्रकल्पात शिल्लक असल्याने यंदाही शेतकऱ्यांनी ऊस लागवडीचा पर्याय निवडला आहे. तालुक्यात अद्यापही २०० हेक्टर क्षेत्रावर उसाचे क्षेत्र आहे.

त्यामुळे हा ऊस कसा जाणार, असा प्रश्न ऊस उत्पादकांना पडला आहे. सध्या प्रचंड उष्णतेची लाट असल्याने ऊसतोड कामगारांना ऊस तोडणे कठीण झाले आहे. सकाळी आणि संध्याकाळी ऊस तोडणीला प्राधान्य दिले जात आहे.

मुंबई : राज्यात गेल्या महिन्याच्या तुलनेत कोरोना (Corona) रुग्णांच्या संख्येत वाढ होत असून चौथ्या लाटेची शक्यता वर्तवण्यात येत आहे.

तिला उंबरठ्यावरच रोखायचे असेल आणि राज्यात पुन्हा निर्बंध नको असतील तर नागरिकांनी स्वत: हून मास्क वापरणे, लस घेणे अपरिहार्य असल्याचे सांगतांना मुख्यमंत्री उद्धव ठाकरे (Uddhav Thackeray) यांनी राज्यात रुग्णांमध्ये फ्ल्यू सदृष्य लक्षणे आढळल्यास त्यांची तत्काळ RTPCR टेस्टींग करा, राज्यातील टेस्टिंगची संख्या तसेच लसीकरणाचा (Vaccination) वेग वाढवा अशा सूचनाही दिल्या.

कोविड संदर्भात आज पंतप्रधान नरेंद्र मोदी (Narendra Modi) यांनी सर्व राज्यांच्या मुख्यमंत्र्यांची बैठक घेऊन वाढत्या कोविड रुग्णांच्या संख्येबाबत चिंता व्यक्त केल्याच्या पार्श्वभूमीवर मुख्यमंत्री उद्धव ठाकरे यांनी दूरदृष्यप्रणालीद्वारे राज्यातील सर्व विभागीय आयुक्त, जिल्हाधिकारी, महानगरपालिकेचे आयुक्त, जिल्हापरिषदेचे मुख्य कार्यकारी अधिकारी, पोलिस अधिकारी यांच्याशी संवाद साधून कोविड स्थितीचा आढावा घेतला.

या बैठकीस सार्वजनिक आरोग्य मंत्री राजेश टोपे (Rajesh Tope) मुख्य सचिव मनुकुमार श्रीवास्तव, मुख्यमंत्री कार्यालयाचे प्रधान सल्लागार सीताराम कुंटे, मुख्यमंत्र्यांचे अपर मुख्य सचिव आशिषकुमार सिंह, आरोग्य विभागाचे अपर मुख्य सचिव डॉ. प्रदीप व्यास, गृह विभागाचे अपर मुख्य सचिव आनंद लिमये, पोलीस महासंचालक रजनीश सेठ, मुख्यमंत्र्यांचे प्रधान सचिव विकास खारगे, यांच्यासह इतर वरिष्ठ अधिकारी उपस्थित होते

कोरोना अजून संपलेला नाही, काळजी घेणे आवश्यक

कोरोना अजून संपलेला नाही, जगभरात त्याचे नवनवीन विषाणु जन्माला येत आहेत. चीनमध्ये ४० कोटी जनता सध्या लॉकडाऊन मध्ये आहे.

आपणही कोविडच्या तीन लाटांचा यशस्वीपणे मुकाबला केला असला तरी आपल्या काही आप्तस्वकीयांना गमावले आहे, यासाठी लावलेल्या निर्बंधांमुळे आपल्या अर्थव्यवस्थेची गती मंदावली, अनेकांचे रोजगार या काळात गेले.

या सगळ्या गोष्टी टाळण्यासाठी आपल्याला कोविड अनकूल वर्तणूक अंगिकारणे आवश्यक आहे. राज्यात आपण या तीन लाटांच्या काळात सुरु केलेल्या आरोग्य सुविधा आपण बंद केल्या नसल्या तरी त्या वापरण्याची वेळ आपल्यावर येऊ नये अशी आपली प्रार्थना असल्याचेही मुख्यमंत्री यावेळी म्हणाले.

तसंच राज्यातील सर्व महसूल, पोलीस आणि आरोग्य यंत्रणेतील कर्मचारी हे प्रत्यक्ष लढणारे सैनिक असून राज्याच्या विकासाचा पाठकणा असल्याचे सांगितले.

या यंत्रणेने राज्यातील प्रत्येक जिल्ह्यात कायदा व सुव्यवस्था चोख राहील यादृष्टीने दक्ष राहण्याचे निर्देशही यावेळी मुख्यमंत्र्यांनी दिले.

लसीकरण सक्तीचे करा, केंद्र शासनाकडे मागणी करणार

आपण केंद्र शासनाकडे लसीकरण सक्तीचे करण्याबाबत तसेच लसीचे दोन डोस घेतलेल्यांना बुस्टर डोस देतांना ९ महिन्याचा कालावधी कमी करण्याबाबत पत्र पाठवणार असल्याचेही मुख्यमंत्र्यांनी यावेळी सांगितले.

प्रत्येक जिल्ह्यात आणि राज्यस्तरावर कोविड प्रतिबंधक नियमांचे पालन करण्यासंदर्भात आवश्यक ती जनजागृती करण्याच्या सूचनाही मुख्यमंत्र्यांनी यावेळी दिल्या.

१८ ते ५९ या वयोगटातील नागरिकांना शासकीय रुग्णालयातून बुस्टर डोस देण्याबाबतचा शासन विचार करत असल्याचेही ते म्हणाले.

मुख्यमंत्र्यांनी यावेळी पावसाळापूर्व कामांचाही आढावा घेतला यात सागरतटीय जिल्ह्यांमध्ये चक्रीवादळाची शक्यता लक्षात घेऊन आवश्यक त्या उपाययोजना करण्याच्या सूचनाही मुख्यमंत्र्यांनी सर्व जिल्हाधिकाऱ्यांना दिल्या आहेत.