डोंबिवली : मिसळ ही महाराष्ट्राची खाद्यसंस्कृती आहे. या मिसळ मध्ये एक झटका आहे. हा स्वाभिमानाचा झटका उद्या 1 मे महाराष्ट्र दिन आहे आणि हा झटका आणि चटका आपल्याला महाराष्ट्रात अनेकांना द्यावा लागणार आहे असा झणझणीत टोला शिवसेना खासदार संजय राऊत यांनी मनसे आणि भाजपला लगावला. डोंबिवली त आयोजित मिसळ मोहोत्सवात शनिवारी खासदार राऊत यांनी उपस्थिती लावली होती.

भाऊ चौधरी फाऊंडेशनचे अभिषेक चौधरी, श्री आराध्या ग्रुप आणि शिवसेना यांच्यावतीने डोंबिवली तील सावळाराम क्रीडा संकुलात भव्य तीन दिवसीयमिसळ महोत्सवाचे आयोजन करण्यात आले आहे.

या महोत्सवाला दुसऱ्या दिवशी शिवसेनेचे नेते, खासदार संजय राऊत यांनी उपस्थिती लावली. व्यासपीठावर भाऊ चौधरी, गोपाळ लांडगे, राजेश मोरे, दीपेश म्हात्रे यांसह अनेक मान्यवर उपस्थित होते.

खासदार राऊत यांनी यावेळी पत्रकारांशी संवाद साधताना मनसे आणि भाजप पक्षाला वरील टोला लगावला. पुढे ते म्हणाले, मिसळ ही चवदार आहे ती आपली संस्कृती आहे. पण ज्या प्रकारे आज राजकारण सुरू आहे ती आपली संस्कृती नाही.

महाराष्ट्रात सत्ताधारी, विरोधक, विविध विचारांच्या पक्षाचे लोक ही एकमेकांच्या विरुद्ध टीका करत राहिले. पण महाराष्ट्राच्या स्थापनेपासून सुडाचे, द्वेषाचे आणि कंबरेखाली वार करण्याचे राजकारण कधीच झाले नव्हते.

या महाराष्ट्रामध्ये बाळासाहेब ठाकरे असतील, शरद पवार असतील, यशवंतराव चव्हाण असतील, शरद पवार आणि शिवसेनाप्रमुखांमध्ये कितीतरी वाद झाले आहेत. पण ज्या पध्दतीने राजकारण भारतीय जनता पक्षाने गेल्या दोन चार वर्षात सुरू केले आहे ते राज्य आणि देशाला परवडणारे नाही.

हिंदू ओवेसी आणि मुस्लिम ओवेसी दोन्ही महाराष्ट्र मध्ये आहे आणि एका ओवेसीला उत्तर प्रदेश मध्ये ज्यापद्धतीने वापरण्यात आले, निवडणुका जिंकण्यासाठी, त्याचपद्धतीने नवं हिंदू ओवेसींना महाराष्ट्रामध्ये शिवसेना याच्याविरुद्ध लढवून हिंदूंचे नुकसान करण्याचे काम भाजप करत असल्याची टीका त्यांनी यावेळी केली.

औरंगाबाद येथे मनसेची सभा होणार आहे. त्यानिमित्ताने शहरात बॅनर लागले असून राज यांना हिंदुहृदयसम्राट संबोधले गेले आहे. यावर राऊत म्हणाले, हिंदुहृदयसम्राट बाळासाहेब ठाकरे हे एकच आहेत. कोणी कितीही शाली पांघरल्या, कोणी किती नकला केल्या शिवसेना प्रमुखांच्या तरी शिवसेना प्रमुख हिंदुहृदयसम्राट एकच.

डोंबिवलीकरांनी या महोत्सवात दुसऱ्या दिवशीही गर्दी केल्याचे पहायला मिळाले. यामध्ये कोल्हापूर, सांगली, पुणे, कल्याण नाशिक, ठाणे, पारनेर, कोकणातील मिसळीची चव खवय्यांना चाखायला मिळाली.

खासदार राऊत यांनी महोत्सवात मिसळचा आस्वाद घेतला. दोन वर्षांनी सगळे एकत्र आलो, तोंडावर मास्क नाही आणि तोंड चालू आहे. हे असेच वातावरण राहायला पाहिजे. मुख्यमंत्री उद्धव ठाकरे यांच्या नेतृत्वाखाली हे संकट आपण पार केल असले तरी खबरदारी घ्यायची गरज आहे. खाते रहो असे आवाहन त्यांनी यावेळी खवय्यांना केले.

मुख्यमंत्री उद्धव ठाकरे यांच्या नागरिकांना महाराष्ट्र दिनाच्या शुभेच्छा

मुंबई, दि.30: कितीही अडथळे आणि संकटं येऊ देत, महाराष्ट्राची घोडदौड सुरूच राहील. अवघ्या देशाला स्फूर्ती देणारा हा शिवरायांचा महाराष्ट्र आहे.

ज्यांनी संयुक्त महाराष्ट्रासाठी आपले रक्त सांडले त्यांचे बलिदान कधीही विसरणार नाही आणि हे करतांना महाराष्ट्र धर्माची पताका देशातच नव्हे तर विश्वात फडकाविल्याशिवाय राहणार नाही असे सांगून मुख्यमंत्री उद्धव ठाकरे यांनी महाराष्ट्र दिनाच्या पूर्वसंध्येस शुभेच्छा दिल्या आहेत.

आज महाराष्ट्राच्या अस्मितेवर घाव घालण्याचे आणि महाराष्ट्राला बदनाम करण्याचे कुटील कारस्थान जर कुणी करीत असेल तर येथील स्वाभिमानी जनता त्यांना उत्तर देण्यास समर्थ आहे, असेही मुख्यमंत्री म्हणतात.

आमचे महाविकास आघाडीचे सरकार सत्तेवर आल्यानंतरचा हा तिसरा महाराष्ट्र दिन आहे. दोन वर्ष तर देशावरच कोरोना विषाणूचे संकट होते, पण याही आव्हानात्मक परिस्थितीत शेती, उद्योग – गुंतवणूक यामध्ये महाराष्ट्राने स्वतःला आघाडीवर ठेवले.

शिवभोजनसारखी थाळी मोफत देऊन, तसेच दुर्बल, असंघटित वर्गाला आर्थिक सहाय्य करून सामाजिक भान ठेवले आणि महाराष्ट्राची परंपरा कायम ठेवली. आरोग्य असेल किंवा सुशासन, पर्यावरण असेल किंवा नागरी विकास, महाराष्ट्राने उचललेल्या ठोस पावलांचे देश तसेच जागतिक पातळीवर पण कौतुक झाले.

संकटातच खरी परीक्षा होते असे म्हणतात, त्याप्रमाणे गेल्या अडीच वर्षात नैसर्गिक आपत्ती किंवा विषाणूच्या आक्रमणात प्रशासनाने अगदी तळागाळापासून अतिशय धीराने आणि हिमतीने काम केले, त्यामुळे महाराष्ट्राला बदनाम करण्याचा विडा उचलून सर्वांचे मनोधैर्य खच्ची करण्याचे प्रयत्न फिके पडल्याचे दिसते.

महाराष्ट्राचा इतिहास लढवय्यांचा आहे मग मोगलांच्या आक्रमणाला थोपविणारे छत्रपती शिवराय, औरंगजेबाला ललकारणाऱ्या ताराराणी असोत किंवा सामाजिक सुधारणांसाठी आयुष्य पणाला लावणारे राजर्षी छत्रपती शाहू महाराज, महात्मा जोतिबा आणि सावित्रीबाई फुले असोत.

या सर्वांनी आणि त्यांना आदर्शवत मानणाऱ्या अनेकांनी जात पात धर्म याचा विचार न करता महाराष्ट्राची सामाजिक वीण मजबूत केली.

या भूमीचे सुपुत्र असलेल्या महामानव डॉ. बाबासाहेब आंबेडकरांनी दिलेली घटना म्हणणे केवळ एक पुस्तक नाही तर देशातील प्रत्येकाला सन्मानाने जगण्याचा अधिकार देणारी एक अनमोल देणगी आहे.

आज दुर्देवाने स्वार्थ आणि महत्त्वाकांक्षेपोटी महाराष्ट्रामधील जात धर्मांतील सलोखा संपवून सामाजिक क्रांतीच्या या तमाम महापुरुषांचे विचार मातीस मिळविण्याची कामगिरी सुरू आहे. महाराष्ट्र हा सामाजिक सलोखा, संयम आणि सारासार विवेकबुद्धीने वागणारा म्हणून ओळखला जातो.

एखाद्या राज्याची प्रगती म्हणजे काही केवळ किती गुंतवणूक तिथे आली आणि किती रस्ते झाले असे नाही. महाराष्ट्राने पर्यावरणासारख्या मूलभूत आणि संवेदनशील विषयवार जगाचेही लक्ष वेधले आहे.

आरोग्याची पुढील काळातली आव्हाने लक्षात घेऊन आधुनिक वैद्यकीय पायाभूत सुविधांचे नियोजन केले आहे. खेडी, शहरे स्वच्छ असावीत, सर्वांना व्यवस्थित नळाने पाणी मिळावे, सर्वसामान्यांना घरे मिळावीत, शहरांचे आराखडे हे पुढील काही वर्षांच्या विकासाचा अदमास घेऊन तयार करावेत.

विकेल तेच पिकेल असे ठरवून शेतकऱ्यांना आर्थिकदृष्ट्या स्वावलंबी करणे, सौर ऊर्जेचा वापर, महिलांच्या सुरक्षेसाठी शक्ती कायद्याच्या माध्यमातून गुन्हेगारांवर वचक या गोष्टींवर आम्ही केवळ भरच दिलेला नाही तर अंमलबजावणी सुरू केली आहे.

संघराज्य व्यवस्थेचा आम्ही सन्मानच करतो. विकासासाठी उत्तुंग झेप घेण्याची दुर्दम्य इच्छा आमच्यात आहे. राष्ट्राच्या प्रगतीत योगदान देण्याचे कर्तव्य आम्हाला पार पाडायचे आहे आणि पार पाडतही आहोत.

मला खात्री आहे की, येणाऱ्या काळात महाराष्ट्रातील माझे तमाम बंधू आणि भगिनी हे ज्यासाठी महाराष्ट्र ओळखला जातो त्या परस्पर सौहार्द, बंधुभाव आणि एकोप्याचे वातावरण कलुषित होऊ देणारे सगळे प्रयत्न हाणून पाडतील.

माझे सर्वांना, अगदी विरोधी पक्ष आणि संघटना यांना देखील कळकळीचे आवाहन आहे की, मनात विद्वेष न ठेवता महाराष्ट्राचा देशातच नव्हे तर जगात डंका वाजविण्यासाठी एकत्र येऊन महाराष्ट्राची पताका हातात घेऊ यात.

महाराष्ट्राची सामाजिक वीण मजबूत

महाराष्ट्राचा इतिहास लढवय्यांचा आहे मग मोगलांच्या आक्रमणाला थोपविणारे छत्रपती शिवराय, औरंगजेबाला ललकारणाऱ्या ताराराणी असोत किंवा सामाजिक सुधारणांसाठी आयुष्य पणाला लावणारे राजर्षी छत्रपती शाहू महाराज, महात्मा जोतिबा आणि सावित्रीबाई फुले असोत.

या सर्वांनी आणि त्यांना आदर्शवत मानणाऱ्या अनेकांनी जात पात धर्म याचा विचार न करता महाराष्ट्राची सामाजिक वीण मजबूत केली.

या भूमीचे सुपुत्र असलेल्या महामानव डॉ बाबासाहेब आंबेडकरांनी दिलेली घटना म्हणणे केवळ एक पुस्तक नाही तर देशातील प्रत्येकाला सन्मानाने जगण्याचा अधिकार देणारी एक अनमोल देणगी आहे.

प्रगतीत योगदान देण्याचे कर्तव्य

संघराज्य व्यवस्थेचा आम्ही सन्मानच करतो. विकासासाठी उत्तुंग झेप घेण्याची दुर्दम्य इच्छा आमच्यात आहे. राष्ट्राच्या प्रगतीत योगदान देण्याचे कर्तव्य आम्हाला पार पाडायचे आहे आणि पार पाडतही आहोत.

मला खात्री आहे की, येणाऱ्या काळात महाराष्ट्रातील माझे तमाम बंधू आणि भगिनी हे ज्यासाठी महाराष्ट्र ओळखला जातो त्या परस्पर सौहार्द, बंधुभाव आणि एकोप्याचे वातावरण कलुषित होऊ देणारे सगळे प्रयत्न हाणून पाडतील.

माझे सर्वांना,अगदी विरोधी पक्ष आणि संघटना यांना देखील कळकळीचे आवाहन आहे की, मनात विद्वेष न ठेवता महाराष्ट्राचा देशातच नव्हे तर जगात डंका वाजविण्यासाठी एकत्र येऊन महाराष्ट्राची पताका हातात घेऊ यात, असे आवाहन मुख्यमंत्र्यांनी केले आहे.

औरंगाबाद : औरंगाबाद पोलिसांनी अखेर सभेला परवानगी दिल्याने आता राज ठाकरेंची तोफ औरंगाबाद शहरात (Aurangabad Mns) धडाडणार हे निश्चित झाले आहे.

गेल्या अनेक दिवसांपासून या बैठकीची चर्चा सुरू आहे. या सभेला अनेक संघटनांनी विरोध केला होता. त्यामुळे कायदा आणि सुव्यवस्थेचा प्रश्न निर्माण होऊ नये म्हणून पोलीस ही विचार करत होते.

मात्र, पोलिस आणि सार्वजनिक सुरक्षेच्या मुद्द्यावर अनेक बैठका झाल्या आहेत. त्यानंतर पोलिस आणि मनसे कार्यकर्त्यांमध्ये अनेक बैठका झाल्या.

मनसे नेते बाळा नांदगावकर यांनीही औरंगाबादला भेट देऊन मैदानाची पाहणी केली होती. आणि औरंगाबाद पोलिसांनीही सुरक्षेच्या कारणास्तव मैदानाची पाहणी केली होती. या सर्व मोठ्या घडामोडीनंतर अखेर राज ठाकरेंच्या सभेला परवानगी मिळाली आहे.

बैठकीसाठी काही अटी असतील

1. कायदा व सुव्यवस्था बिघडू नये म्हणून पोलिसांनी सभेला काही अटी घातल्या आहेत. कायदा व सुव्यवस्थेची काळजी घेणे बंधनकारक असेल. वांशिक अपशब्द आणि प्रक्षोभक भाषणे होऊ नयेत, असेही पोलिसांनी सांगितले. राज ठाकरेंच्या भाषणामुळे धार्मिक तेढ निर्माण होईल, असा आरोप करत अनेक संघटनांनी या सभेला विरोध केला होता.
2. सभेच्या वेळेत कोणताही बदल करू नये, असेही पोलिसांनी सांगितले.
3. सभेला उपस्थित राहणाऱ्या नागरिकांनी स्वयंशिस्त पाळावी आणि कोणतीही दंगलखोर किंवा प्रक्षोभक घोषणा देऊ नये.
4. सभेसाठी येणारी वाहने वळवली जाणार नाहीत, त्यामुळे वाहतुकीची समस्या उद्भवणार नाही. तसेच कोणतेही रॅली काढण्यात येणार नाही.
5. या सभेबाबत नागरिकांना जागरूक करण्याची जबाबदारी आयोजकांची असेल, असे सांगण्यात आले आहे.
6. आयोजकांना सभेसाठी स्वयंसेवक नियुक्त करण्यास सांगितले आहे, तसेच येणार्‍या लोकांची संख्या आणि वाहनांची संख्या याची माहिती पोलिसांना देण्यास सांगितले आहे.
7. या मैदानात बसण्याची मर्यादा पंधरा हजार असल्याने यापेक्षा जास्त लोकांना बोलावू नये.
8. पोलिसांनी निश्चित केलेल्या ठिकाणी भक्कम बॅरिकेड्स उभारावेत.
9. सभेदरम्यान वंश, जात, धर्म, भाषा, जात, जन्माचा प्रदेश, धर्म या आधारावर कोणतेही प्रक्षोभक वक्तव्य करू नये.
10. या सभेसाठी वापरण्यात येणाऱ्या लाऊडस्पीकरबाबत सर्वोच्च न्यायालयाने घालून दिलेल्या नियमांचे पालन करणे बंधनकारक असेल.