मुंबई : महाविकास आघाडी 17 डिसेंबरला मुंबईत भव्य मोर्चा काढणार आहे. हा मोर्चा राणीबाग ते आझाद मैदान असा असणार आहे. महाविकास आघाडीच्या बैठकीत आज हा निर्णय घेण्यात आला.

महाविकास आघाडीने राज्यपालांना हटवण्याची मागणी केली आहे. मात्र त्याआधी राज्यपालांना हटवले तरी मोर्चा निघणार असल्याचे विरोधी पक्षनेते अजित पवार यांनी सांगितले आहे. बैठकीनंतर महाविकास आघाडीच्या नेत्यांनी एकत्र पत्रकार परिषद घेतली.

मोठी बातमी : प्रकाश आंबेडकरांचा युतीचा ‘प्रस्ताव’ घेऊन उद्धव ठाकरे मविआच्या बैठकीत?

महाराष्ट्राचा अपमान करणाऱ्यांच्या विरोधात हा मोर्चा निघणार आहे. न भुतो न भविष्यती असा महामोर्चा असेल, असंही उद्धव ठाकरेंनी म्हटलं आहे.

8 तारखेला सर्वपक्षीय बैठक होणार आहे. आमच्या काही घटक पक्षांनीही या मोर्चाला पाठिंबा दिला आहे. सर्व नागरिकांनीही यावे ही विनंती. बेरोजगारीचा प्रश्न निर्माण झाला आहे.

शिंदे आणि फडणवीस सरकार म्हणून अपयशी राहिले आहेत. महाराष्ट्रातून उद्योग निघत आहेत आणि जे आहेत ते जाण्याची तयारी करत आहेत, असा आरोपही अजित पवार यांनी केला आहे.

राज्यपाल हटवले तरी भव्य मोर्चा निघेल

राज्यपालांच्या वादग्रस्त निर्णयावर महाविकास आघाडीने आपली भूमिका निश्चित केली. या पत्रकार परिषदेला उद्धव ठाकरे, राष्ट्रवादी काँग्रेसचे अजित पवार आणि काँग्रेसचे बाळासाहेब थोरात उपस्थित होते.

सत्ता हस्तांतरणानंतर ही महाविकास आघाडीची पहिलीच पत्रकार परिषद आहे. 17 डिसेंबरच्या मोर्चात समाजवादी पक्षाचे अबू आझमी, कपिल पाटील, शेतकरी मजूर पक्षाचे जयंत पाटील आदी सर्व घटक पक्ष सहभागी होणार असल्याचे या पत्रकार परिषदेत ठरले.

याबाबत बोलताना अजित पवार म्हणाले, काल निर्णय झाला आणि आज बैठक बोलावली आहे. 17 तारखेला शनिवारी मोर्चा काढण्यात येणार आहे. छत्रपती शिवाजी महाराजांबद्दल राज्यपालांची बेताल वक्तव्ये सुरू आहेत. त्याचा निषेध केला जाईल.

Maharashtra Update : उद्धव ठाकरे आणि प्रकाश आंबेडकर यांच्यात महत्त्वाची भेट, काय झाली चर्चा ?

राज्यपाल कोश्यारी यांना केंद्र सरकारने हटवले तरी 8 ते 18 डिसेंबर दरम्यान मोर्चा काढण्यात येईल, असा पुनरुच्चार अजित पवार यांनी केला.

नांदेडमधील देगलूरच्या लोकांनी आम्हाला तेलंगणात जाणार असे कधीच सांगितले नाही. आता ती गावे बोलू लागली आहेत. सांगली, सोलापूरचे लोक बोलू लागले आहेत. गुजरातच्या सीमेवरील लोकही बोलू लागले आहेत.

शिंदे-फडणवीस सरकार सर्व आघाड्यावर अपयशी ठरले आहे, नेते बेताल बोलत आहेत, त्यामागे मोठे षड्यंत्र आहे. सरकारचे अपयश लपविण्यासाठी राज्यपाल व नेते जाणीवपूर्वक बोलत असल्याचेही त्यांनी म्हटले आहे.

मुंबई : उद्धव ठाकरे आणि प्रकाश आंबेडकर यांच्यात 1 तासाहून अधिक काळ झालेल्या बैठकीनंतर आता महाविकास आघाडीची बैठक होत आहे. प्रकाश आंबेडकरांचा ‘युतीचा’ प्रस्ताव घेऊन उद्धव ठाकरे या बैठकीला पोहोचले आहेत. त्यामुळे आता महाविकास आघाडीत चौथा पक्ष सहभागी होणार आहे.

माविआ यांची लवकरच विरोधी पक्षनेते अजित पवार यांच्या देवगिरी बंगल्यावर बैठक होणार आहे. या बैठकीसाठी सुभाष देसाई, अशोक चव्हाण, छगन भुजबळ दाखल झाले आहेत.

मुंबईतील ग्रँड हयात हॉटेलमध्ये उद्धव ठाकरे आणि प्रकाश आंबेडकर यांच्यात दीड तास चर्चा झाली. यानंतर माविआच्या बैठकीत वंचितचा प्रस्ताव मांडला जाण्याची शक्यता आहे.

शिवसेना ठाकरे गट आणि वंचित बहुजन आघाडी यांच्यातील युती अंतिम टप्प्यात पोहोचली आहे. वंचित आघाडीचा महाविकास आघाडीत समावेश करण्याची विनंती प्रकाश आंबेडकर यांनी उद्धव ठाकरेंना केली होती.

महाविकास आघाडीच्या बैठकीत उद्धव ठाकरेंनी हा मुद्दा उपस्थित करावा, असेही प्रकाश आंबेडकर म्हणाले. राष्ट्रवादीचे नेते राजेश टोपे म्हणाले, महाविकास आघाडी मजबूत करण्यासाठी हे चांगले पाऊल ठरेल. प्रकाश आंबेडकर हे ज्येष्ठ नेते आहेत. सर्व धर्मनिरपेक्ष पक्षांनी एकत्र येणे ही काळाची गरज आहे.

त्यानुसार शरद पवार साहेब, उद्धव ठाकरे, बाळासाहेब थोरात यांनी समविचारी पक्ष व नेत्यांना सोबत घेऊन आघाडी मजबूत करण्याचे काम करावे. प्रकाश आंबेडकर यांनी एकत्र येऊन काम केल्यास त्याचे निश्चितच स्वागत होईल. ही आनंदाची बाब आहे.

हे देखील वाचा 

• Maharashtra Update : उद्धव ठाकरे आणि प्रकाश आंबेडकर यांच्यात महत्त्वाची भेट, काय झाली चर्चा ?
• Loksabha Election 2024 Preparation : गुजरात निवडणुकीनंतर भाजपचे ‘टार्गेट’, लोकसभा निवडणुकीची तयारी सुरू
• Roasaheb Danve News : छत्रपती शिवाजी महाराजांचा एकेरी उल्लेख; रावसाहेब दानवे यांचा व्हिडिओ सोशल मीडियावर व्हायरल

मुंबई : बहुप्रतिक्षित राज्य मंत्रिमंडळाच्या दुसऱ्या टप्प्यातील विस्ताराची वेळ अखेर आली असल्याची माहिती विश्वसनीय सूत्रांकडून मिळाली आहे. 12 किंवा 13 डिसेंबरला राज्य मंत्रिमंडळाचा विस्तार होण्याची शक्यता आहे.

याबाबत विश्वसनीय सूत्रांनी माहिती दिली आहे. प्रत्यक्षात मंत्रिमंडळाच्या दुसऱ्या टप्प्याचा विस्तार गेल्या अनेक दिवसांपासून प्रलंबित आहे. मंत्रिमंडळाच्या दुसऱ्या टप्प्यातील विस्तारावरून विरोधकांनी राज्य सरकारवर निशाणा साधला आहे.

सरकार स्थापन होऊन चार महिने झाले तरी मंत्रिमंडळाचा विस्तार का झाला नाही? असा सवाल करत विरोधकांनी उपस्थित करून मंत्रिमंडळ विस्ताराबाबत वेगवेगळे दावे केले.

काही नेत्यांनी तर शिंदे-फडणवीस सरकार कोसळून मध्यावधी निवडणुकांचे भाकीत केले आहे. या सर्व दाव्या-प्रतिदाव्यांनंतर लवकरच मंत्रिमंडळाचा विस्तार होणार आहे.

सूत्रांनी दिलेल्या माहितीनुसार, मंत्रिमंडळाच्या दुसऱ्या टप्प्यातील विस्तारात एकूण 23 मंत्र्यांचा समावेश करण्यात येणार आहे. त्यामुळे एकूण 23 मंत्र्यांचा शपथविधी होण्याची शक्यता आहे.

विशेष म्हणजे मंत्रिमंडळ विस्ताराबाबत भाजप आणि शिंदे गटामध्ये 50-50 टक्के असा फॉर्म्युला ठरल्याची माहिती समोर आली आहे. मंत्रिमंडळ विस्ताराच्या दुसऱ्या टप्प्यात भाजपकडून नव्या चेहऱ्यांना संधी दिली जाण्याची दाट शक्यता आहे.

आमदार संजय कुटे, नितेश राणे आणि रवी राणा यांना मंत्रीपद मिळण्याची शक्यता आहे, तर शिंदे गटातून बच्चू कडू, संजय शिरसाठ, भरत गोगावले यांना संधी मिळू शकते. शिंदे गटाचे हे तिन्ही नेते मंत्रिपदासाठी आग्रही आहेत.

शिंदे गटातील काही आमदार मंत्रीपदावर नाराज असल्याच्या बातम्या आल्या होत्या. त्यानंतर शिंदे गटाचे सर्व आमदार गुवाहाटीला गेले होते.

हे सर्व आमदार कामाख्या देवीच्या दर्शनासाठी गुवाहाटी येथे गेल्याचे सांगण्यात आले. तसेच या भेटीत मंत्रिमंडळ विस्ताराबाबत कोणतीही चर्चा झाली नसल्याचे शिंदे गटाच्या नेत्यांकडून सांगण्यात येत आहे.

दरम्यान, शिंदे गटाच्या गुवाहाटी दौऱ्यानंतर मंत्रिमंडळाचा विस्तार होणार असल्याची चर्चा होती. अखेर ती चर्चा खरी ठरणार आहे. दुसरीकडे, विधान परिषदेच्या हिवाळी अधिवेशनापूर्वी मंत्रिमंडळाचा विस्तार होणार असल्याचीही चर्चा होती.