गोवा, 19 मार्च : गोवा गुन्हे शाखेने शुक्रवार, 18 मार्च रोजी सांगितले की त्यांनी पणजीजवळील सांगोल्डा गावात सेक्स रॅकेटचा पर्दाफाश करून हैदराबाद येथील एका व्यक्तीला आणि एका टेलिव्हिजन अभिनेत्रीसह अटक केली आहे. तिथून तीन महिलांना ताब्यात घेण्यात आले.
गुन्हे शाखेने दिलेल्या पत्रकार परिषदेत टीव्ही अभिनेत्रींसह दोन महिला मुंबईजवळील विरार येथील, तर तिसरी हैदराबाद येथील असल्याचे सांगण्यात आले आहे.
पोलिसांनी सांगितले की, “गुन्हे शाखेला हाफिज सय्यद बिलाल नावाचा व्यक्ती वेश्या व्यवसायात गुंतल्याची माहिती मिळाली होती आणि त्यानुसार त्याला पकडण्यासाठी सापळा रचण्यात आला होता.”
गोवा पुलिस की क्राइम विभाग ने पणजी के पास सांगोल्डा गांव में चल रहे एक सेक्स रैकेट का भंडाफोड़ करते हुए एक टीवी एक्ट्रेस समेत 3 महिलाओं को मुंबई से छुड़ाया है। मामले मे एक व्यक्ति को गिरफ्तार किया गया है।
— ANI_HindiNews (@AHindinews) March 19, 2022
एका व्यक्तीला अटक केल्यानंतर सापळा रचण्यात आला
पोलिसांनी सांगितले की, हाफिज सय्यद बिलाल नावाचा व्यक्ती वेश्या व्यवसायात गुंतल्याची माहिती गुन्हे शाखेला मिळाली होती आणि त्याच्याकडून मिळालेल्या माहितीच्या आधारे या सेक्स रॅकेटचा पर्दाफाश करण्यासाठी जाळे विणण्यात आले होते. एका टीव्ही अभिनेत्रीसह दोन महिला मुंबईजवळील विरार येथील रहिवासी आहेत तर एक महिला हैदराबादची असल्याचे गुन्हे शाखेने सांगितले आहे.
50 हजारात सौदा ठरला
या माहितीची खातरजमा झाल्यानंतर गुन्हे शाखेच्या अधिकाऱ्यांनी तपास केला. हैद्राबाद येथील रहिवासी असलेल्या आरोपीने सांगोल्डा गावाजवळ 50 हजार रुपये देऊन सौदा केल्याचे तपासात समोर आले आहे.
17 मार्च रोजी आरोपी तीन महिलांसह आला असता त्याला अटक करण्यात आली. या प्रकरणी पोलीस अद्याप तपास करत असून या सेक्स रॅकेटशी संबंधित अनेक महत्त्वाची नावे समोर येण्याची शक्यता आहे.
