पंकजा मुंडेंची फडणवीस-बावनकुळेंचा कार्यक्रमाला दांडी; इंस्टाग्रामवर कुत्र्याच्या वाढदिवसाची पोस्ट

47
पंकजा मुंडे आणि प्रीतम मुंडे

बीड : भाजपच्या राष्ट्रीय नेत्या पंकजा मुंडे (BJP national leader Pankaja Munde) पुन्हा एकदा चर्चेत आल्या आहेत. उपमुख्यमंत्री देवेंद्र फडणवीस (Deputy Chief Minister Devendra Fadnavis) आणि भाजप प्रदेशाध्यक्ष चंद्रशेखर बावनकुळे (BJP State President Chandrashekhar Bawankule) यांच्या उपस्थितीत शनिवारी बीडमध्ये झालेल्या कार्यक्रमाला पंकजा मुंडे यांनी दांडी मारल्याने राजकीय वर्तुळात चर्चेला उधाण आले आहे.

या ‘दांडी’ मागचे कारण बुचकळ्यात टाकणारे असतानाच पंकजा मुंडे यांनी आपल्या लाडक्या कुत्र्याच्या वाढदिवसाची पोस्ट आपल्या इन्स्टाग्राम पेजवर शेअर केली आहे.

यामध्ये त्याने कुत्र्याचा वाढदिवस साजरा करतानाचे काही फोटोही शेअर केले आहेत. या सगळ्यातून पंकजा मुंडे यांच्याकडे काही संदेश आहे का, अशी शंका अनेकजण उपस्थित करत आहेत.

व्यसनविरोधी रॅलीचा एक भाग म्हणून देवेंद्र फडणवीस शनिवारी बीड शहरात आले होते. त्यामुळे बीडमधील भाजपच्या प्रमुख नेत्या म्हणून पंकजा मुंडे या कार्यक्रमाला उपस्थित राहतील अशी अपेक्षा होती.

मात्र पंकजा मुंडे आणि प्रीतम मुंडे या दोघी बहिणी या कार्यक्रमाकडे फिरकल्या देखील नाहीत. त्यामुळे मुंडे भगिनी नाराज असल्याच्या चर्चेला पुन्हा एकदा जोर आला आहे. त्याचप्रमाणे कुत्र्याच्या वाढदिवसाचा व्हिडिओ पंकजा मुंडे यांनी इन्स्टाग्रामवर शेअर केलेला सोशल मीडियावर व्हायरल होत आहे.

पंकजा यांना फडणवीस-बावनकुळे यांच्या कार्यक्रमापेक्षा कुत्र्याचा वाढदिवस महत्त्वाचा वाटतो का, असा सवाल बीडमधील राजकीय वर्तुळात सुरू आहे.

पंकजा मुंडे यांनी इन्स्टाग्रामवर शेअर केलेल्या व्हिडिओची सध्या चर्चा होत आहे. त्यांच्या मनात नेमकं काय आहे, असा प्रश्न या निमित्ताने उपस्थित झाला आहे.

एकीकडे बड्या राजकीय व्यक्तीची मुलगी आणि राजकीय व्यासपीठावरही दिग्गज, पण अनेक वेळा तिला आपल्याच जिल्ह्यात अनेक गोष्टींना सामोरे जावे लागते.

सेल्फीसाठी महिलांसोबत जबरदस्ती, नववर्षाच्या पार्टीत गोंधळ, विरोध केल्यावर हाणामारी

कार्यकर्त्यांच्या बाजूने राहून आणि त्यांच्यासाठी अनेक आंदोलने करूनही पक्षश्रेष्ठींचे म्हणणे कोणी ऐकून घेत नाही, हा प्रकार राजकारण सुरू असताना, या कार्यक्रमाला पक्षाच्यावतीने अनुपस्थित राहिल्याने चर्चेला उधाण आले होते. बीड येथे आयोजित.

पंकजा यांच्या नाराजीचा सूर खरा की खोटा, आतापासून बीडच्या राजकीय पटलावर खऱ्या गोष्टी काय असतील, याबाबत तर्कवितर्क लढवले जात आहेत.

महाराष्ट्राच्या राजकारणात अलीकडच्या काळात अनेक संधींपासून वंचित राहिलेल्या पंकजा मुंडे भविष्यात काय खेळ खेळतात, हे पाहावं लागेल. बीड जिल्हा हा मुंडे घराण्याचा बालेकिल्ला आहे.

गोपीनाथ मुंडे यांनी बीडमध्ये भाजप पक्षाची स्थापना केली. मात्र, गोपीनाथ मुंडे यांच्या निधनानंतर पंकजा मुंडे यांना महाराष्ट्रातील भाजप नेत्यांकडून सातत्याने बाजूला सारल्याचे चित्र आहे.

या पार्श्‍वभूमीवर पंकजा मुंडे भविष्यात कोणती भूमिका घेणार, त्यांची इन्स्टाग्राम पोस्ट या संदर्भातील संदेश आहे का, याबाबत अनेकांना उत्सुकता आहे.