जालना : जालना शहरात काही दिवसांपूर्वी सिलेंडरच्या स्फोटात एका तरुण वकिलाचा जळून मृत्यू झाल्याची घटना घडली आहे.

मात्र सिलेंडरच्या स्फोट झाल्याचा बनाव करून पत्नीनेच प्रियकराच्या मदतीने आपल्या वकील पतीची हत्या केल्याचा खळबळजनक प्रकार जालना पोलिसांनी उघडकीस आणला आहे.

जालना शहरातील अर्चनानगर भागात 1 सप्टेंबर रोजी जेव्हा शहर आणि देशभरात गणेशोत्सव साजरा होत होता.

पोलीस बंदोबस्तात गुंतली होती तेव्हा या घरात सिलेंडरचा स्फोट होऊन एकाचा मृत्यू झाल्याची बातमी पोलिसात आली.

या प्रकरणी हद्दीत येणाऱ्या तालुका पोलिसांकडून या घटनेची अकस्मात मृत्यू म्हणून नोंद करण्यात आली होती.

सुरुवातीला दुर्घटना वाटणाऱ्या या घटनेत वयाने अवघ्या 28 वर्ष वय असलेला तरुण वकील किरण लोखंडेचा मृत्यू झाला होता.

तीन महिन्यापूर्वीच लग्न झालेल्या किरणच्या मृत्यूने सर्वत्र हळहळ व्यक्त होत होती.

पोलिसांनी पत्नीच्या माहितीवरून अकस्मात मृत्यूची नोंद केली.

मात्र या घटनेची पहिली शंका त्यांना मयत किरण यांच्या पत्नीवरच आली. विसंगत माहिती आणि तिने केली टाळाटाळ पाहता पोलिसांना संशय आला.

या नंतर घटनास्थळी पाहणी केली असता पोलिसांचा संशय अधिकच गडद झाला. पोलिसांनी घटनास्थळाचा पंचनामा केला तेव्हा त्यांना आरोपी मनीषाचा बनाव स्पष्ट दिसू लागला.

पत्नी मनिषाने सांगितलेली गॅस सिलेंडरच्या स्फोटाच्या गोष्टीवर पोलिसांना संशय आला. घटनास्थळी मृतदेहाच्या शेजारी असलेले लाकडी देवघर तसेच व्यवस्थित होते.

गॅस लिकेज करण्यासाठी आरोपीने काढलेल्या गॅसच्या नळ्या व्यतिरिक्त सिलेंडरदेखील होते.

या शिवाय आरोपी मनीषा आणि तिच्यासोबत एक व्यक्ती असल्याची  माहिती देखील घराशेजारील सीसीटीव्हीच्या माध्यमातून पोलिसांना मिळाली.

आरोपी मनीषासोबत आणखी एक आरोपी असल्याचं सिद्ध झालं. लोकेशनवरून तिच्या सोबत असलेल्या दुसरा आरोपी तिचा लग्नाअगोदरचा प्रियकर गणेश आगलावे असल्याचं निष्पन्न झालं आणि खरी कहाणी समोर आली.

पोलिसांनी या प्रकरणी मयत किरण लोखंडे याची पत्नी मनीषा आणि तिचा प्रियकर गणेश  याला अटक केली. त्यांनी गुन्ह्याची कबुली दिलीअसून न्यायालयाने त्यांना सात दिवसाची पोलीस कोठडी सुनावली आहे.

पोलिसांच्या माहितीनुसार मयत किरण आणि मनीषा मध्ये 30 तारखेला  रात्री वाद झाला. ज्यात मनिषाने आपल्या पतीच्या डोक्यात लोखंडी वस्तूने वार केला.

या शिवाय पती मारामुळे बेशुद्ध झाल्यावर त्याचे नाक तोंड दाबून श्वास रोखला. या कामात तिच्या प्रियकराने देखील मदत केली.

या नंतर दोघांनी घटनास्थळावरून पोबारा केला. मात्र एक दिवसानंतर 1 सप्टेंबर रोजी त्यांनी परत येऊन रात्री प्रेतावर अज्ञात केमिकल टाकून ते पेटवून दिले.

शिवाय संशय येऊ नये म्हणून  गॅस सिलेंडरचा गॅस लिक करून स्फोट घडवून आणण्याचा प्रयत्न केला जो अयशस्वी झाला होता.

मात्र आरडाओरड करून तो झाल्याचा बनाव करण्यात आला होता. पोलिसांनी या घटनेच्या मुळापर्यंत जाऊन तपास केल्याने आरोपी महिला आणि तिच्या प्रियकराचा हा बनाव उघड झाला.

मात्र प्रेमाच्या या त्रिकोणात एका व्यक्तींचा आणि आपल्या क्षेत्रात  काही भव्य दिव्य करू इच्छिणाऱ्या उमेदीच्या वकिलाचा निष्कारण मृत्यू झाला हे दुर्दैवीच आहे.

Crime News : देशात अलीकडे अशा अनेक घटना समोर आल्या आहेत, ज्यात कुत्र्यांने हल्ला करून आजूबाजूच्या लोकांना जखमी केले आहे. गाझियाबादमधून असेच एक धक्कादायक प्रकरण समोर आले आहे.

येथे लिफ्टमध्ये जाणाऱ्या एका मुलाला पाळीव कुत्र्याने चावा घेतला. आश्‍चर्याची गोष्ट म्हणजे वेदनेने मूल रडतच राहिले पण त्या महिलेने त्या चिमुरड्याकडे चक्क दुर्लक्ष करीत शांतपणे आपल्या कुत्र्यासोबत लिफ्टमधून बाहेर पडली. मीडिया रिपोर्ट्सनुसार, मुलाच्या पालकांच्या तक्रारीवरून गुन्हा दाखल करण्यात आला आहे.

चार्म्स काउंटी सोसायटीचे प्रकरण

मिळालेल्या माहितीनुसार, हे प्रकरण गाजियाबादच्या राजनगर एक्स्टेंशनच्या चार्म्स काउंटी सोसायटीचे आहे. या घटनेचे सीसीटीव्ही फुटेजही समोर आले असून, त्यात ही संपूर्ण घटना कैद झाली आहे.

#गाजियाबाद @RNextension की #charms_castle सोसायटी की लिफ्ट में पालतू कुत्ते ने बच्चे को काटा, बच्चा दर्द से कराहता छोड़ महिला लिफ्ट से चली गई, थोड़ी इंसानियत भी रखो, डॉग के सोसाइटी नियमों का पालन करें @ghaziabadpolice@rne_residents @OfGzb @ashutoshji_ @Uppolice @myogioffice pic.twitter.com/dLwVSdw1ou

— Annu Khan अन्नू खान انو خان (@annukhan78) September 6, 2022

ही घटना सोमवारी सायंकाळी घडल्याचे सांगण्यात येत आहे. 9 वर्षीय मुलगा हा इयत्ता चौथीत शिकत असून, घटना घडली त्यावेळी तो शिकवणीवरून घरी परतत होता.

या घटनेचे सीसीटीव्ही फुटेज व्हायरल झाले 

सोशल मीडियावर व्हायरल झालेल्या सीसीटीव्ही फुटेजमध्ये बालक लिफ्टमधून जाताना दिसत आहे आणि एक महिला आपल्या पाळीव कुत्र्यासोबत उभी आहे.

कुत्र्याला दिसू नये म्हणून जेव्हा मुल लिफ्टमध्ये पुढे जाते, तेव्हा कुत्रा मुलावर अचानक हल्ला करून त्याच्या कमरेच्या खालच्या भागात चावतो. यादरम्यान महिला निवांतपणे उभी असलेली दिसते.

वेदनेने रडत आणि लंगडत होता

याच व्हिडीओमध्ये पुढे दिसत आहे की, मुलगा जखमेला धरून रडत आहे. वाढत्या वेदनांमुळे त्याला पाय जमिनीवर ठेवताही येत नव्हते.

तो लंगडतो पण ती महिला एक मिनिटही पुढे येत नाही आणि त्याची विचारपूस करीत नाही. मुलाने घरी जाऊन हा संपूर्ण प्रकार आईला सांगितला.

या घटनेनंतर मुलाच्या वडिलांनी चार्म्स काउंटी सोसायटीत राहणाऱ्या महिलेशी बोलले पण ती काहीही न ऐकता घराकडे निघून गेली.

महिलेविरुद्ध पालकांची तक्रार

या संपूर्ण प्रकरणात गाझियाबाद पोलिसांनी पालकांच्या तक्रारीवरून गुन्हा दाखल केला आहे. वडिलांच्या तक्रारीवरून पोलिसांनी मुलाची वैद्यकीय तपासणी केली.

कुत्र्याच्या मालकावर आरोप आहे की त्यांनी या घटनेनंतर मुलाला वाचविण्याचा किंवा बचाव करण्याचा प्रयत्न केला नाही किंवा चौकशी केली नाही, परंतु ती शांतपणे मुलाला वेदनांनी रडताना पहात राहिली.