नवी दिल्ली : देशाच्या दृष्टीने आजचा दिवस महत्वाचा आहे. आज पंतप्रधान नरेंद्र मोदी सेंट्रल विस्टा प्रकल्पाचं उद्घाटन करणार आहेत. राजधानी दिल्लीत आज शानदार कार्यक्रम पार पडणार आहे.
पंतप्रधान नरेंद्र मोदी (Prime Minister Narendra Modi) आज सेंट्रल व्हिस्टा एव्हेन्यूचे उद्घाटन करणार आहेत. सेंट्रल व्हिस्टा अव्हेन्यू हा केंद्र सरकारच्या सेंट्रल व्हिस्टा पुनर्विकास योजनेअंतर्गत केंद्र सरकारचा महत्त्वाकांक्षी प्रकल्प आहे.
या कार्यक्रमात राज्यनिहाय खाद्यपदार्थांचे स्टॉल, लाल ग्रॅनाइट दगडांनी बनवलेला रस्ता, वाहनतळ आणि नागरिकांसाठी 24 तास सुरक्षा व्यवस्था असणार आहे.
नेताजी सुभाष चंद्र बोस यांच्या पुतळ्याचंही अनावरण यावेळी करण्यात येणार आहे. राजपथच नाव कर्तव्यपथ केलं जाणार आहे. इंडिया गेट आणि कर्तव्यपथ पुन्हा एकदा सर्वसामान्य जनतेसाठी खुला होणार आहे.
A sneak peek of the revamped #CentralVista ahead of the formal inauguration by PM @narendramodi.@PMOIndia @MoHUA_India pic.twitter.com/2cBHegZzDe
— SansadTV (@sansad_tv) September 7, 2022
तब्बल वीस हजार कोटींच्या या भव्य प्रकल्पाचं आज उद्घाटन केलं जाणार आहे. दरम्यान या सगळ्या संदर्भात राजधानी नवी दिल्लीमधून आमचे नवी दिल्लीचे प्रतिनिधी संदीप राजगोळकर यांनी अधिक माहिती दिली आहे.
पंतप्रधान कार्यालयाने दिलेल्या माहितीनुसार, राजपथचे नाव बदलून कर्तव्य पथ करण्यात आले आहे. इंडिया गेटवरील नेताजी सुभाषचंद्र बोस यांच्या पुतळ्यापासून ते राष्ट्रपती भवनापर्यंतच्या भागाला कर्तव्य पथ असे नाव देण्यात आले आहे.
सेंट्रल व्हिस्टा अव्हेन्यू
राजपथ आणि सेंट्रल व्हिस्टा अव्हेन्यू जवळचा परिसर पायाभूत सुविधांमुळे त्रस्त होता, त्यामुळे सार्वजनिक शौचालये, पिण्याचे पाणी, रस्त्यावरील फर्निचर आणि पार्किंग यासारख्या सुविधांसह परिसराचा पुनर्विकास करण्यात आला आहे. ड्युटी रूटमध्ये फूटपाथ, नवीन कालवे, रस्त्यावरील साईन बोर्ड आणि नवीन दुकाने यांचा समावेश आहे.
नेताजी सुभाषचंद्र बोस यांच्या पुतळ्याचे अनावरण
नेताजी सुभाषचंद्र बोस यांची मूर्ती ग्रॅनाइटची आहे. शिल्पकार अरुण योगीराज यांनी ही मूर्ती बनवली असून ही मूर्ती 28 फूट उंच आहे. या मूर्तीचे वजन 65 मेट्रिक टन आहे.
सेंट्रल व्हिस्टा असलयाना दिल्ली उच्च न्यायालय आणि पटियाला न्यायालयाचे उद्घाटन दुपारी 3 वाजता बंद होईल. तसेच, आया भागा येथील वाहतूकही वळवण्यात आल्याचे प्रशासनाने सांगितले आहे.