नांदेड आणि लातूरकर फडणवीसांच्या मांडीवर बसायला तयार, आणखी एका मोठ्या नेत्याचं वक्तव्य

नांदेड : वंचित बहुजन आघाडीचे नेते प्रकाश आंबेडकर यांनी विद्यमान सरकारमधील 16 आमदारांना अपात्र ठरवल्यास नांदेडकर आणि लातूरकर फडणवीसांच्या मांडीवर बसण्यास तयार असल्याचे मोठे विधान केले आहे. त्यामुळे पुनः एकदा चर्चेला उधाण आले आहे.

राज्यात शिंदे-भाजप सरकारचे काम जोरात सुरू असतानाच अचानक सरकार पडण्याची आणि पाडण्याची वक्तव्ये होत आहेत. मुळात मुख्यमंत्री एकनाथ शिंदे यांच्यासह 16 आमदारांच्या अपात्रतेचा मुद्दा सर्वोच्च न्यायालयात प्रलंबित आहे. सरकारवर टांगती तलवार आहे.

शिंदे गटाचे आमदार बरखास्त झाल्यास काय होऊ शकते, याचा अंदाज अनेक बडे नेते लावत आहेत. शिवसेना नेते चंद्रकांत खैरे यांनी भाजपचा प्लॅन बी सांगितला तर वंचित बहुजन आघाडीचे नेते प्रकाश आंबेडकर यांनीही मोठे वक्तव्य केले.

नांदेड, धम्म मेळावा.https://t.co/i33R4n8mfO

— Prakash Ambedkar (@Prksh_Ambedkar) November 5, 2022

नांदेड येथे सुरू असलेल्या धम्म मेळाव्यात प्रकाश आंबेडकर बोलत होते. या सभेत त्यांनी काँग्रेस नेते राहुल गांधी यांच्या भारत जोडो यात्रेवर टीका केली. त्यांनी खरोखरच काँग्रेसच्या सद्यस्थितीवर बोट ठेवले.

प्रकाश आंबेडकर म्हणाले की, राहुल गांधींचा उपक्रम चांगला आहे, पण त्यातून फार काही साध्य होण्याची शक्यता कमी आहे. राज्यातील शिंदे सरकारमधील मुख्यमंत्री एकनाथ शिंदे यांच्यासह 16 आमदारांना अपात्रतेचा सामना करावा लागत आहे.

यापैकी 16 आमदार बडतर्फ झाल्यास देवेंद्र फडणवीस यांचा प्लॅन बी ठरल्याची चर्चा आहे. तोच धागा पकडून ते म्हणाले, 16 आमदारांना बडतर्फ केले तर नांदेड आणि लातूरकर फडणवीसांच्या मांडीवर बसायला तयार आहेत.

नांदेडचे काँग्रेसचे बडे नेते आणि माजी मुख्यमंत्री अशोक चव्हाण हे भाजपमध्ये जाण्याची अनेकदा चर्चा आहे. त्यामुळेच प्रकाश आंबेडकर यांनी हे वक्तव्य केले आहे.

शिंदे गटाला अपात्र ठरवल्यास देवेंद्र फडणवीस काँग्रेसच्या 22 आमदारांच्या संपर्कात असल्याचे मोठे विधान शिवसेना नेते चंद्रकांत खैरे यांनी केले आहे.

काँग्रेसवर टीका करताना प्रकाश आंबेडकर म्हणाले, ‘काँग्रेसवाले म्हणतात, आमच्याकडे गमवायला उरलेच काय? त्यामुळे जे वाचवले ते वाचवण्यात त्यांना रस आहे, हे काँग्रेसमधील नीतीमत्ता केव्हाच संपली आहे. त्यांनी दहा पिढ्या खायला पुरेल एवढी कमाई करून ठेवली आहे, अशी टीका प्रकाश आंबेडकर यांनी केली.

राहुल गांधी भारत जोडो यात्रेला निघाले आहेत, पण त्यांना काही अर्थ नाही, अशी टीका प्रकाश आंबेडकर यांनी केली. हे सर्वसामान्यांचे सरकार नाही. हे दरोडेखोरांचे सरकार आहे, हे सांगायला राहुल गांधींनी शिकावे.

हा सुरू असलेला खेळ काँग्रेसवाले संपवू शकत नाहीत, कारण तेही त्यात एकेकाळी गुंतले होते. काँग्रेसच्या काळात देशात खासगीकरण सुरू झाले.

आज येथील कापूस उत्पादक शेतकर्‍यांना पूर्वीसारखा भाव मिळेल का, याकडे डोळे लावून बसले आहेत, मात्र तो मिळणार नाही. जाणता राजा रुग्णालयात आहे. त्यांना शेतकरी नाही तर आमदार वाचवायचे आहेत.

कापसाला 12 हजार भाव मिळाला पाहिजे, कापूस आयात बंद केल्यास कापूस 12 हजार क्विंटलपर्यंत जाईल, शेतकरी संघटना बोलणार नाही, कारण त्यांनी एकदा GAT करार मान्य केला होता.

अशोक चव्हाण यांनी जातीला महत्त्व दिले असते तर ते निवडून आले नसते. येथील शेतकरी जागृत असता, जातीच्या उमेदवाराला महत्त्व दिले नसते तर ज्याने उमेदवारी दिली त्याला निवडून दिले असते, असे विधान प्रकाश आंबेडकर यांनी केले. उसाला भाव.