Maharashtra Rain Update : राज्यभरात 11 ऑगस्टपर्यंत जोरदार पावसाचा इशारा, कोणत्या भागाला कोणता अलर्ट?

0
39
Maharashtra Rain Update :

Maharashtra Rain Update : काही वेळाच्या विश्रांतीनंतर पुन्हा एकदा संपूर्ण राज्यात पावसाने थैमान घातले आहे. राज्यात सर्वत्र पाऊस झाला आहे. अनेक ठिकाणी नद्या दुथडी भरून वाहत आहेत.

त्यामुळे अनेक गावांचा संपर्क तुटला असून, शेतीचे मोठे नुकसान झाले आहे. शिवाय, हवामान खात्याच्या अंदाजाने सर्वांच्याच चिंतेत भर टाकली आहे.

Rain Updates

कारण 11 ऑगस्टपर्यंत महाराष्ट्रात सर्वत्र मुसळधार पाऊस पडेल, असा इशारा भारतीय हवामान खात्याने दिला आहे. येत्या तीन दिवसांत कोकण, मध्य महाराष्ट्रातील घाटमाथ्यावर मुसळधार पावसाचा अंदाज वर्तवण्यात आला आहे.

काही ठिकाणी मुसळधार पावसाची शक्यताही हवामान खात्याने वर्तवली आहे. बंगालच्या उपसागरात निर्माण झालेले कमी दाबाचे क्षेत्र पुढील २४ तासांत तीव्र होऊन दबावाचे रूप घेईल.

त्यामुळे कोकण किनारपट्टी भागात कमी दाबाचे क्षेत्र निर्माण झाल्याने चांगला पाऊस होण्याची शक्यता आहे. आज विदर्भात अनेक ठिकाणी मुसळधार पावसाचा अंदाज आहे. आज पूर्व विदर्भात मुसळधार पाऊस पडण्याची चिन्हे आहेत.

गडचिरोली, गोंदिया, चंद्रपूर, भंडारा, नागपूर येथे काही ठिकाणी विजांच्या कडकडाटासह मुसळधार पावसाची शक्यता आहे. गडचिरोलीत एक-दोन ठिकाणी मुसळधार पावसाचा अंदाज असल्याची माहिती नागपूर प्रादेशिक हवामान केंद्राने दिली आहे.

कोणत्या भागाला कोणता अलर्ट? 

in mumbai heavyrain

कोकण 

रेड अलर्ट : पालघर, ठाणे, रत्नागिरी, मुंबई, रायगडमध्ये काही ठिकाणी अतिवृष्टीची शक्यता

ऑरेंज अलर्ट : सिंधुदुर्ग

मध्य महाराष्ट्र 

रेड अलर्ट : पुणे, कोल्हापूर, सातारातील घाट परिसरात काही ठिकाणी अतिवृष्टीची शक्यता

ऑरेंज अलर्ट : नाशिकमधील घाट परिसरात अतिमुसळधारेचा इशारा

यलो अलर्ट : नंदुरबारमधील घाट परिसरात मुसळधार, जळगावमध्ये काही ठिकाणी मुसळधार

मराठवाडा 

ऑरेंज अलर्ट : नांदेड, हिंगोली, परभणी

यलो अलर्ट : जालना, बीड, लातूर

विदर्भ 

रेड अलर्ट : गडचिरोलीत काही ठिकाणी अतिवृष्टीची शक्यता

ऑरेंज अलर्ट : भंडारा, चंद्रपूर, गोंदिया आणि नागपूर

यलो अलर्ट : अकोला, अमरावती, बुलढाणा, वर्धा, वाशिम आणि यवतमाळ