Devendra Fadnavis Vs Pankaja Munde : ‘होय, आम्ही नाराज’ अभियानात पंकजा समर्थकांचा राज्य नेतृत्वावर अविश्वास, पंकजा मुंडेंच्या मौनामुळे तर्क-वितर्कांना उधाण

Devendra Fadnavis Vs Pankaja Munde: Pankaja supporters' distrust of state leadership in 'Yes, we are angry' campaign

Devendra Fadnavis Vs Pankaja Munde | विरोधी पक्षनेते देवेंद्र फडणवीस (Opposition Leader Devendra Fadnavis) यांच्यावर ओबीसी नेतृत्वात फूट पाडल्याचा ठपका ठेवला जात असून पंकजा मुंडे (Pankaja Munde) यांच्यावर भाजपमध्ये जाणीवपूर्वक डावलले जात आहे.

भाजपच्या राज्य नेतृत्वावरील अविश्वास व्यक्त करण्यासाठी ‘होय आम्ही नाराज आहोत’ असे शीर्षक असणारी एक लाख पत्रे पक्ष अध्यक्ष जे.पी.नड्डा यांच्याकडे ई-मेलसह पाठविण्याची तयारी केल्याने नव्या वादाला तोंड फुटले आहे.

हा राज्य नेतृत्वाविरुद्ध अपप्रचार असल्याचे मानले जात आहे. त्याचवेळी पंकजा मुंडे यांनी या विषयावर मौन बाळगल्याने वादाला तोंड फुटले आहे. तर राजकीय वर्तुळात चर्चेला उधाण आले आहे.

पाथर्डी येथून सुभाष केकाण यांनी मोहिमेची सुरुवात केली आहे. औरंगाबादमध्ये पत्रकार परिषद घेऊन पंकजा समर्थकही आक्रमक झाले होते.

Maharashtra: Rebels with a 'Cause' - States News - Issue Date: Dec 30, 2019

यापूर्वी केंद्रीय अर्थ राज्यमंत्री डॉ.भागवत कराड यांच्या कार्यालयात जाऊन पंकजा मुंडे यांच्या समर्थकांनी आपल्या संतापाची नेतृत्वाला झलक दाखविली होती. सोबत भाजपा कार्यालयात गोंधळ देखील केला होता.

आता राज्य नेतृत्वाविरोधात भूमिका घेतल्याने वातावरण तापले आहे. या सर्व घटनांच्या पार्श्‍वभूमीवर पंकजा मुंडे आता रहाटादेवीला जाणार आहेत. कार्यकर्त्यांना काहीही न बोलता गप्प बसल्याने तर्कवितर्कांना उधाण आले आहे.

ओबीसी नेत्या पंकजा मुंडे यांनी त्यांचे वडील आणि दिवंगत नेते गोपीनाथ मुंडे यांचा ओबीसी नेतृत्वाचा वारसा पुढे नेला आहे. ती प्रतिमा जपत त्यांनी नेते देवेंद्र फडणवीस यांच्या विरोधात मोर्चेबांधणी करण्यासाठी पुढाकार घेतला होता.

जलसंधारण मंत्रीपदाची सूत्रे काढून घेतल्यानंतर त्यांनी देवेंद्र फडणवीस यांच्या मंत्रिमंडळात महिला व बालकल्याण मंत्री म्हणून काम पाहिले.

मात्र, बीड जिल्ह्यात कार्यक्रमाचा सूर सरकारच्या प्रमुख नेत्याच्या विरोधात असेल, याची काळजी त्यांच्याकडून घेतली जात होती.

त्यांच्या कार्यकर्त्यांनी पंकजा यांच्या ‘मन कि बात’ पकडली आणि सोशल मीडियावर फडणवीस यांच्याविरोधात आरोपाचा धडाका उडवून दिला. आता कार्यकर्ते राज्य नेतृत्वाचा थेट विरोध करत आहेत.

पंकजा मुंडे

भागवत कराड आणि रमेश कराड यांना मिळालेली संधी हा पंकजा मुंडे यांच्या नेतृत्वाला संपविण्याचा डाव असल्याचा थेट आरोप जाहीरपणे करीत आहेत.

ओबीसी आणि भटके विमुक्त संघर्ष समितीचे अध्यक्ष व निमंत्रक खुशाल मुंडे यांनी नुकतेच पंकजा मुंडे यांना माळी, धनगर, वंजारी, बंजारा आणि नाभिक यांचा समावेश असलेली ‘माधवबन’ ही पक्षविरहित संघटना स्थापन करण्याचे आवाहन केले.

राजकीय कारणांसाठी पंकजा मुंडे यांच्यावर अन्याय केला जात असल्याचा आरोप कार्यकर्त्यांनी केला. पाथर्डी येथील कार्यकर्ते सुभाष केकाण यांनी देशभरातील लोकांना पत्र पाठवण्याची मोहीम सुरू केली आहे.

त्यांनी राष्ट्रीय अध्यक्ष आणि भाजप कार्यालयाला 1 लाख ईमेल पाठवण्याचे आवाहन केले आहे. या मेल मध्ये ‘होय आम्ही नाराज आहोत’ या विधानाचा उल्लेख केला जात आहे.

पंकजा मुंडे समर्थकांचा ऑनलाइन विरोध आणि पंकजा मुंढे यांचे मौन यामुळे राज्याचे नेतृत्व कोणती भूमिका घेते व पंकजा मुंडे कधी मौन सोडतात याकडे सर्वांचे लक्ष लागले आहे.