PM Kisan Yojana: PM किसान योजनेचा 11वा हप्ता 10 कोटींहून अधिक शेतकऱ्यांच्या खात्यावर पाठवण्यात आला आहे. अनेक दिवसांपासून शेतकरी या हप्त्याची वाट पाहत आहेत.
मात्र, अद्यापही अनेक शेतकऱ्यांच्या खात्यावर दोन हजारांचा हप्ता पोहोचलेला नाही. अशा परिस्थितीत, जर तुम्हाला पैसे मिळाले नाहीत, तर थोडे थांबा किंवा आजपर्यंत पीएम किसान सन्मान निधीचा 11 वा हप्ता तुमच्या बँक खात्यावर पोहोचला नाही, याची कारणे शोधा.
पीएम किसान योजनेंतर्गत शेतकऱ्यांना दरवर्षी सहा हजार रुपयांची मदत दिली जाते. ही रक्कम दर चार महिन्यांनी तीन वेळा पाठवली जाते.
यावेळी शेतकऱ्यांना 11वा हप्ता म्हणून दोन हजार रुपये मिळाले आहेत. त्याच वेळी, शेवटचा म्हणजेच 10 वा हप्ता केंद्र सरकारने 1 जानेवारी 2022 रोजी हस्तांतरित केला.
या लोकांना 11वा हप्ता मिळणार नाही
जर तुम्ही संस्थात्मक शेतकरी असाल, तुमच्या घरात कोणीतरी सरकारी नोकरी करत असेल, ज्यांचे पेन्शन रु. 10,000 पेक्षा जास्त आहे किंवा ITR दाखल करणारे लोक पात्र नाहीत.
याशिवाय, तुम्ही लोकसभा, राज्यसभा, विधानसभा किंवा विधानपरिषदेचे माजी किंवा सध्याचे सदस्य असाल तरीही तुम्हाला 11 वा हप्ता मिळणार नाही.
स्टेटस कसे तपासू शकतो?
- तुम्ही तुमच्या हप्त्याचे स्टेट्स स्वतः तपासू शकता.
- यासाठी सर्वप्रथम तुम्हाला पीएम किसान www.pmkisan.gov.in या अधिकृत पोर्टलवर जावे लागेल.
- इथे गेल्यावर तुम्हाला फार्मर्स कॉर्नर दिसेल.
- त्यावर क्लिक करा आणि Beneficial Status चा पर्याय निवडा.
- त्यानंतर 12 अंकी आधार क्रमांक टाका आणि Get Data वर क्लिक करा.
- तुम्हाला तुमच्या हप्त्याची स्थिती कळेल.
- जर पैसे मिळाले नाहीत तर तुम्ही टोल फ्री हेल्पलाइनचीही मदत घेऊ शकता.
हेल्पलाइन क्रमांकांबद्दल जाणून घ्या
- पीएम किसान योजनेचे हेल्पलाइन क्रमांक
- पंतप्रधान किसान योजना टोल फ्री क्रमांक: 011-24300606
- पीएम किसान हेल्पलाइन क्रमांक: 155261
- पीएम किसान योजना ईमेल आयडी: ई-मेल आयडी: [email protected]
