Crime News : उत्तर प्रदेशमध्ये एक धक्कादायक घटना समोर आली आहे. उत्तर प्रदेशातील बरौतच्या चौधरण पट्ट्यात कलियुगी पुत्राने खळबळ उडवून दिली.

मुलाने वडील आणि दोन सख्ख्या बहिणींवर धारदार शस्त्राने वार करून हत्या केली. ही भीषण घटना घडवून तो घटनास्थळावरून फरार झाला.

मीडिया रिपोर्ट्सनुसार, मालमत्तेतून बेदखल केल्यानंतर त्याने रागाच्या भरात हे क्रूर कृत्य केले. वडिलांनी मालमत्तेतून बेदखल केल्याने मुलगा संतापला होता.

सोमवारी रात्री अमरचे वडील ब्रजपाल, 25 वर्षीय बहीण ज्योती आणि 17 वर्षीय अनुराधा घरात झोपले होते. त्यांची आई शशिप्रभा या घराच्या गच्चीवर झोपल्या होत्या. यादरम्यान आरोपी मुलाने ही संतापजनक घटना घडवली.

मुलाने वडील आणि दोन सख्ख्या बहिणींची निर्घृण हत्या केली

रात्री उशिरा अमरने वडील आणि दोन बहिणींवर धारदार शस्त्राने वार करून त्यांची हत्या केली. त्याचा आरडाओरडा ऐकून आई शशिप्रभा तेथे पोहोचल्या. आईला पाहताच अमरने तेथून पळ काढला.

माहिती मिळताच पोलीस घटनास्थळी पोहोचले. पोलिसांनी घटनास्थळ गाठून घटनेची माहिती घेतली. आईने मुलाविरुद्ध गुन्हा दाखल केला आरोपीची आई शशिप्रभा यांनी आपल्या मुलाचे नाव घेऊन पोलिसांत तक्रार दाखल केली.

या प्रकरणी तपास अधिकारी युवराज सिंग यांनी सांगितले की, प्रकरणाचा तपास सुरू आहे. आरोपी अमरला लवकरच अटक करण्यात येईल, असेही त्यांनी सांगितले. आरोपींचा शोध सुरू आहे.

Crime News : उत्तर प्रदेशातील गाझियाबादमध्ये एक लाजिरवाणी घटना समोर आली आहे. येथे पतीने पत्नीचा गळा चिरून खून केला. हत्येनंतर तो स्वत: पोलीस ठाणे गाठून म्हणाला की, ‘मला अटक करा’.

हे प्रकरण गाझियाबादमधील नंदग्राम पोलीस स्टेशन हद्दीतील मोर्टी गावातील आहे. येथे सोमवारी पहाटे तीन वाजता अंकित नावाचा एक व्यक्ती पोलिस ठाण्यात येतो आणि सांगतो की, त्याने आपल्या पत्नीची हत्या केली असून त्याला अटक करावी.

हे समजताच पोलीस ठाण्यात उपस्थित पोलीसही चक्रावून गेले. अंकितने सांगितले की, त्याने त्याची सहा महिन्यांची गरोदर पत्नी तनुचा गळा चाकूने कापून खून केला.

पोलिसांनी आरोपी पतीला ताब्यात घेऊन चौकशी केली, तेव्हा त्याने सांगितले की, पत्नीचे कोणाशी तरी अनैतिक संबंध होते, म्हणून त्याने तिची हत्या केली.

साहिबााबादमधील गरिमा गार्डनमध्ये राहणाऱ्या तनूचे वडील रमेश पाल यांनी सांगितले की, सहा वर्षांपूर्वी त्यांनी आपली मुलगी तनुपालचे लग्न नंदग्राम येथील मोर्टी येथील पत्रम पाल यांचा मुलगा अंकित पाल याच्याशी केले होते.

लग्न झाल्यापासून दिर सुनील पाल आणि पती अंकित पाल तिचा हुंड्यासाठी छळ करत होते, असा आरोप आहे. अनेकवेळा मारहाण केली. रविवारी रात्री अंकितने आपल्या मुलीची हत्या केली.

अनैतिक संबंधाच्या संशयावरून खून

जेव्हा पोलीस घटनास्थळी पोहोचले. तिथे त्यांना तनूचा मृतदेह रक्ताच्या थारोळ्यात पडलेला दिसला. नंदग्राम पोलीस ठाण्याचे प्रभारी मुनेंद्र कुमार यांनी सांगितले की, आरोपी पती अंकित पाल याला ताब्यात घेण्यात आले आहे.

चौकशीनंतर पुढील कारवाई करण्यात येत आहे. तनुचा मृतदेह पोस्टमॉर्टमसाठी पाठवण्यात आला आहे. चौकशीत त्याने सांगितले की, रात्री दोन वाजण्याच्या सुमारास पत्नी फोनवर कोणाशी तरी बोलत होती. पत्नीचे कोणाशी तरी अवैध संबंध असल्याचा अंकितला संशय होता. याकारणाने त्याने तनूची हत्या केली.