Nashik Bus Accident : नाशिक बस अपघाताची धक्कादायक माहिती, प्रवासी बस डिझेल टँकरवर आदळल्याने टँकरचा स्फोट

0
51
Nashik bus accident

नाशिक, 08 ऑक्टोबर : नाशिक-औरंगाबाद महामार्गावर खासगी बसला आग लागून 11 प्रवाशांचा मृत्यू झाला. या बस अपघाताच्या वेळी बसमध्ये क्षमतेपेक्षा जास्त प्रवासी असल्याची माहिती समोर आली आहे. भरधाव वेगात असलेल्या डिझेल टँकरला बसची धडक बसल्याने आग लागली.

नाशिक-औरंगाबाद रोडवरील हॉटेल मिरची चौकात चौफुली येथे शनिवारी पहाटे साडेपाच वाजता लक्झरी बस आणि टँकर यांच्यात झालेल्या भीषण अपघातात चिंतामणी ट्रॅव्हलच्या बसला आग लागली.

Nashik bus accident : नाशिक बस अपघाताची धक्कादायक माहिती, प्रवासी बस डिझेल टँकरवर आदळल्याने टँकरचा स्फोट

या अपघातात बसमधील सुमारे 10 प्रवासी जळून खाक झाले. आरटीओ आणि पोलिसांनी या घटनेचा तपास सुरू केला आहे. बसमध्ये ओव्हरलोड प्रवासी असल्याची धक्कादायक माहिती समोर आली आहे.

Nashik bus accident : नाशिक बस अपघाताची धक्कादायक माहिती, प्रवासी बस डिझेल टँकरवर आदळल्याने टँकरचा स्फोट

प्रवासी बस ट्रकच्या धडकेत डिझेल टँकरचा स्फोट होऊन आग लागल्याची माहिती समोर आली आहे. दरम्यान, राष्ट्रवादीचे नेते छगन भुजबळ यांनी घटनास्थळी जाऊन पाहणी केली.

छगन भुजबळ यांनी जिल्हा रुग्णालयाला भेट देऊन अपघातग्रस्तांची विचारपूस केली. हा अपघात अत्यंत दुर्दैवी असून आतापर्यंत 11 जणांचा मृत्यू झाला आहे.

Nashik bus accident : नाशिक बस अपघाताची धक्कादायक माहिती, प्रवासी बस डिझेल टँकरवर आदळल्याने टँकरचा स्फोट

मी मुख्यमंत्र्यांशी बोललो, कदाचित मुख्यमंत्री कधीतरी नाशिकला येतील. रुग्णवाहिका वेळेवर उपलब्ध न झाल्याने जखमींना उपलब्ध वाहनातून जिल्हा रुग्णालयात आणण्यात आले.

अपघात झालेल्या ठिकाणी नेहमी अपघात होत असतील तर त्या ठिकाणी उपाययोजना कराव्यात. अपघातग्रस्त बसमध्ये क्षमतेपेक्षा जास्त माणसे असतील, तर त्याबाबत पोलिसांनी चौकशी करावी, अशी मागणी भुजबळ यांनी केली.

मृतांच्या वारसांना 5 लाखांची मदत

दरम्यान, नाशिक-नांदूरनाका येथे खासगी बसच्या भीषण अपघातात 11 प्रवाशांचा मृत्यू झाला असून मुख्यमंत्री एकनाथ शिंदे यांनी या अपघाताबद्दल तीव्र दुःख व्यक्त केले आहे. या दुर्दैवी घटनेतील मृतांच्या नातेवाईकांना सरकारकडून 5 लाख रुपयांची मदत जाहीर करण्यात आली आहे.

Nashik bus accident : नाशिक बस अपघाताची धक्कादायक माहिती, प्रवासी बस डिझेल टँकरवर आदळल्याने टँकरचा स्फोट

या अपघातातील जखमींना शासकीय खर्चाने तातडीने वैद्यकीय उपचार उपलब्ध करून देण्याचे निर्देश मुख्यमंत्री एकनाथ शिंदे यांनी दिले आहेत. नाशिकमधील अपघाताच्या कारणांची चौकशी केली जाईल, असेही मुख्यमंत्र्यांनी सांगितले.