SBI Recruitment 2023: बँकेत नोकरी शोधत असलेल्या उमेदवारांसाठी एक महत्त्वपूर्ण अपडेट आहे. स्टेट बँक ऑफ इंडियामध्ये बंपर भरती सुरू आहे.
येत्या वर्षभरात तुम्हाला बँकेत नोकरीची संधी मिळेल. यासाठी अधिकृत वेबसाईटवर अधिसूचना प्रकाशित करण्यात आली असून शैक्षणिक पात्रता, वयोमर्यादा, अनुभव, अर्ज करण्याची शेवटची तारीख या सर्वांचा तपशीलवार तपशील या पदासाठी देण्यात आला आहे.
स्टेट बँक ऑफ इंडिया एकूण 1438 पदांसाठी भरती करणार आहे. कलेक्शन फॅसिलिटेटरच्या एकूण 940 जागा आणि सेवानिवृत्त लिपिक कर्मचाऱ्यांच्या 498 जागा भरल्या जाणार आहेत.
शॉर्टलिस्टिंग आणि मुलाखतीच्या आधारे उमेदवारांची निवड केली जाईल. सेवानिवृत्त बँक अधिकारी/कर्मचारी या रिक्त पदांसाठी अर्ज करू शकतात.
कलेक्शन फॅसिलिटेटर कलेक्टर पदासाठी निवडलेल्या उमेदवारांना दरमहा रु. 25 हजार तर JMGS पदासाठी निवडलेल्या उमेदवारांना दरमहा रु.35 हजार वेतन दिले जाईल. MMGS-II, MMGS-III पदांसाठी निवडलेल्या उमेदवारांना दरमहा रु.40 हजार पर्यंत वेतन दिले जाईल.
या पदासाठी अर्ज करताना उमेदवारांनी बायोडाटा, 10वी, 12वी आणि शैक्षणिक प्रमाणपत्रे, शाळा सोडल्याचा दाखला, जात प्रमाणपत्र (मागासवर्गीय उमेदवारांसाठी), ओळखपत्र (आधार कार्ड, परवाना) आणि पासपोर्ट आकाराचा फोटो कागदपत्रांसह जोडणे आवश्यक आहे.
या पदासाठी राखीव प्रवर्गातील उमेदवारांना सरकारी नियमांनुसार भरती आणि वयोमर्यादेत सवलत दिली जाईल. याबाबतची सविस्तर माहिती अधिसूचनेत देण्यात आली आहे. तसेच उमेदवारांनी संबंधित संस्थेने दिलेल्या अटी व शर्तींचे पालन करणे आवश्यक आहे.
अर्जाची प्रक्रिया 22 डिसेंबर 2022 पासून सुरू झाली असून उमेदवार 10 जानेवारी 2022 पर्यंत अर्ज करू शकतात.
अर्ज करण्यापूर्वी उमेदवारांनी अधिसूचना काळजीपूर्वक वाचावी. उमेदवारांनी नोंद घ्यावी की अर्जामध्ये काही त्रुटी असल्यास किंवा दिलेल्या मुदतीनंतर प्राप्त झाल्यास अर्ज नाकारला जाईल.
