मुंबई : मी लदादीदींच्या नावाने मिळालेला पहिला पुरस्कार जनतेला समर्पित करीत आहे. लतादीदी जशा जनमानसाच्या दीदी होत्या, तसेच हा पुरस्कारही जनतेचा आहे, असा भावोद्गार पंतप्रधान नरेंद्र मोदी यांनी व्यक्त केला.
पंतप्रधान नरेंद्र मोदी यांच्या हस्ते 24 एप्रिल रोजी मुंबईतील षण्मुखानंद सभागृहात पहिल्या लता दीनानाथ मंगेशकर पुरस्काराने सन्मानित करण्यात आले. यावेळी ते बोलत होते.
या कार्यक्रमाला राज्यपाल भगतसिंग कोश्यारी, विरोधी पक्षनेते देवेंद्र फडणवीस, मंत्री सुभाष देसाई, मंगेशकर कुटुंबीय आणि कला क्षेत्रातील अनेक मान्यवर उपस्थित होते.
या कार्यक्रमाला मुख्यमंत्री उद्धव ठाकरे उपस्थित नव्हते. मात्र, त्याचवेळी मुख्यमंत्र्यांनी भोईवाडा परळ येथील दाभोलकर वाडीला भेट देऊन ज्येष्ठ महिला शिवसैनिक चंद्रभागा शिंदे यांची भेट घेतली. त्यामुळे भाजप आणि शिवसेना यांच्यातील ताणलेले संबंध समोर आले.
मंगेशकर कुटुंबाचा त्याग
पुरस्कार स्वीकारल्यानंतर पंतप्रधान नरेंद्र मोदी म्हणाले की, संगीतासारख्या गहन विषयाचा मी जाणकार नाही. मात्र, सांस्कृतिक दृष्ट्या संगीत ही साधना आणि भावना आहे असे मला वाटते. अव्यक्तला व्यक्त करतात ते शब्द. ऊर्जेत चेतनेचा संचार करतो तो नाद आणि चेतनेत भाव आणि भावना भरते ते संगीत.
तुम्ही निस्पृह बसले आहात, पण संगीताचा एक स्वर तुमच्या डोळ्यातून अश्रू बाहेर काढतो. संगीताचा स्वर तुम्हाला वैराग्याचा बोध करू शकतो. संगीताने जीवनात वीररस भरतो.
संगीत मातृत्व आणि ममतेचा अनुबोध करून देतो. संगीत राष्ट्रभक्ती आणि कर्तव्य बोधाच्या शिखरावर पोहोचवतो. संगीताच्या या सामर्थ्याला आपण लता मंगेशकरांच्या रूपामुळे साक्षात पाहिलं आहे.
त्यांचं दर्शन करण्याचा अनुभव मिळाला आहे. मंगेशकर कुटुंबाच्या प्रत्येक पिढीने या यज्ञात आहुती दिली असल्याचे ते म्हणाले.
यंदाच्या रक्षाबंधनाला दीदी नसेल
लतादीदींच्या आठवणीने पंतप्रधान नरेंद्र मोदी भारावले. ते म्हणाले की, लतादीदींनी मोठी बहीण म्हणून खूप प्रेम दिले. यापेक्षा अधिक अर्थपूर्ण काय असू शकते? रक्षाबंधन आल्यावर दीदी नसतील.
मी पुरस्कार स्वीकारत नाही, पण माझ्या बहिणीच्या नावाने पुरस्कार स्वीकारतो. म्हणूनच मी आलो. मंगेशकर कुटुंबावर माझा हक्क आहे. आदिनाथचा निरोप आला.
तेव्हा मी किती व्यस्त होतो ते मला दिसले नाही. म्हंटल हो मी नाकारू शकत नाही. हा पुरस्कार मी जनतेला समर्पित करतो. लतादीदी लोकांच्या दीदी होत्या. त्यामुळे हा पुरस्कारही जनतेला अर्पण करतो.
मी विचार करत होतो, माझे माझ्या बहिणीचे नाते किती जुने आहे? कदाचित साडेचार दशके उलटून गेली असतील. माझी ओळख सुधीर फडके यांनी करून दिली.
तेव्हापासून या कुटुंबाशी असलेल्या अपार स्नेहाच्या असंख्य घटना माझ्या आयुष्याचा एक भाग बनल्या आहेत. माझ्यासाठी लतादीदी सूर सम्राज्ञीसोबतचं माझी मोठी बहीण होती. याचा अभिमान आहे, या शब्दात आपल्या भावना व्यक्त केल्या.
