उदगीर : उदगीरमध्ये माहेश्वरी समाजाचा उत्पत्ति दिवस महेश नवमी उत्सव मोठ्या थाटामाटात आणि उत्साहात साजरा करण्यात आला.

उदगीर तालुका माहेश्वरी सभेच्या वतीने महेश नवमी उत्सवानिमित्त विविध कार्यक्रम साजरे करण्यात आले.

यामध्ये मंगळवारी रांगोळी स्पर्धेचे आयोजन करण्यात आले होते. यासोबतच मुलांमध्ये अध्यात्म वाढविण्यासाठी अध्यात्मिक वाचन स्पर्धा घेण्यात आली होती.

ज्यामध्ये 4 ते 10 वर्षांची मुले मोठ्या उत्साहात सहभागी झाली. महेश नवमीच्या उत्सवानिमित्त रक्तदान शिबिराचे आयोजन करण्यात आले होते.

यामध्ये 63 रक्तदात्यांनी रक्तदान केले, दुधिया हनुमान ते श्री लक्ष्मी नारायण मंदिरापर्यंत भव्य मिरवणूक काढण्यात आली.

ज्यामध्ये समाजातील सर्व परिवार सहभागी झाला होता. त्यानंतर महेश भगवानची आरती संपन्न झाली.

मारवाडी युवा मंच तर्फे सर्वांसाठी महाप्रसादीचे आयोजन करण्यात आले होते. महेश नवमी संपन्न करण्यासाठी मार्गदर्शक ईश्वरप्रसाद बाहेती, डॉ.रामप्रसाद लखोटिया, अध्यक्ष विनोदकुमार टवानी, सचिव श्रीनिवास सोनी, अमोल बाहेती, शिरीष नावंदर, अमोल राठी, जगदीश बाहेती, युवा मंचचे अध्यक्ष लक्ष्मीकांत सोमाणी, गोविंदा सोनी, सत्यनारायण सोमाणी, द्वारकादास भुतडा, राजू इनाणी, डॉ.प्रवीण मुंदडा, राजू सारडा, राजू राठी, भगवानदास राठी,कचरुलाल मूंदड़ा, कैलाश बियाणी,आनंद बजाज, लक्ष्मीनारायण लोया, डॉ.भीकमचंद सोनी, जयप्रकाश पल्लोड, कांचन टवानी, सीमा बाहेती, किरण लोया, राधेश्याम नावंदर, सुनील सोनी, राजू पारीख, अनूप बजाज, गणेश बजाज, सत्यनारायण बांगड़, दयानंद नावंदर, रामबिलास नावंदर यांच्यासह सर्व समाजप्रेमींनी पूर्ण सहकार्य केले व महेश नवमी उत्सव मोठ्या थाटामाटात साजरी करण्यात आली.

कौठा (प्रभाकर पांडे) : कौठा येथील कै. शिवराज देशमूख कनिष्ठ महाविद्यालयातील विद्यार्थी शकिल पिरअहमद मुल्ला यांने 12 वी कला शाखेतुन बोर्ड परीक्षेत 82.00% गुण घेऊन विशेष प्रविण्यासहित उज्जवल यश संपादन केल्या बद्धल सर्वच स्तरातून त्याचे अभिनंदन होत आहे.

अथक प्रयत्न, अतूट जिद्द व मेहनतीच्या जोरावर केलेला प्रचंड अभ्यास करून यश मिळविल्याबद्दल प्राचार्य धुमाळे व सर्व प्राध्यापकांनी अभिनंदन केले आहे.

मुंबई : विधान परिषदेची निवडणूक येत २० जूनला होत आहे. या निवडणुकीसाठी केंद्रीय समितीने पाच जणांची नावे निश्चित केली आहेत. मात्र, या यादीतून भाजपच्या नेत्या पंकजा मुंडे, विनोद तावडे यांची नावे वगळण्यात आली आहेत.

विधान परिषदेसाठी विधान परिषद विरोधी पक्षनेते प्रवीण दरेकर, माजी मंत्री राम शिंदे, श्रीकांत भारतीय, उमा गिरीश खापरे, प्रसाद लाड या पाच जणांची यादी जाहीर करण्यात आलीय.

उमेदवारी जाहीर होण्यापूर्वीच विधान परिषदेचे विरोधी पक्षनेते प्रवीण दरेकर आणि माजी मंत्री राम शिंदे यांनी सिद्धिविनायकाचे दर्शन घेतले.

अमरावती : औरंगाबादमध्ये आज शिवसेनेची जाहीर सभा होणार आहे. शिवसेनेकडून गेल्या काही दिवसांपासून तयारी सुरू आहे. या सभेवरून भाजपने आता आरोप-प्रत्यारोप सुरू केले आहेत.

यावर आता अमरावतीच्या खासदार नवनीत राणा (MP Navneet Rana) यांनी मुख्यमंत्री उद्धव ठाकरे (Chief Minister Uddhav Thackeray) यांच्यावर टीका केली आहे. ‘आधी औरंगाबाद शहरातील पाणीप्रश्न सोडवा, मग जाहीर सभा घ्या’, असे नवनीत राणा म्हणाले.

शिवसेनेची आज औरंगाबादेत जाहीर सभा होणार आहे. या सभेला मुख्यमंत्री उद्धव ठाकरे संबोधित करणार आहेत. शिवसेनेने या भेटीचा टीझर सोशल मीडियावर शेअर केला होता.

‘होय, हेच संभाजीनगर’ असे फलक असलेले पोस्टर्सही शहरात लावण्यात आले आहेत. त्यामुळे शिवसेना पक्षप्रमुख उद्धव ठाकरे आज कोणत्या विषयावर बोलणार हे पाहणं महत्त्वाचं ठरणार आहे.

अमरावतीच्या खडीमळ गावात पाणीटंचाई समोर आली आहे. प्रत्यक्षात मेळघाटासह अनेक गावांना पाणीटंचाईचा सामना करावा लागत आहे. या मुद्द्यावरून अमरावतीच्या खासदार नवनीत राणा ट्रोल झाल्या आहेत.

नवनीत राणा यांनी थेट मुख्यमंत्री उद्धव ठाकरे यांच्याकडे हा मुद्दा उपस्थित केला आहे. मुख्यमंत्री उद्धव ठाकरे यांची आज औरंगाबादेत सभा होणार आहे.

या बैठकीतून खासदार नवनीत राणा म्हणाल्या, आधी औरंगाबादचा पाणीप्रश्न सोडवा, नागरिकांच्या समस्या जाणून घ्या. त्यानंतर बैठक घ्यावी, अशी मागणीही राणा यांनी केली.

राणा यांनी राज्यसभेवरूनही मुख्यमंत्री उद्धव ठाकरे यांच्यावरही आरोप केले. केवळ अपक्ष आमदारच नाराज नाहीत, तर इतर अनेक पक्षांचे आमदारही नाराज आहेत.

राज्यातील मंत्री टक्केवारी मागतात. आमदारांना मुख्यमंत्री भेटत नसल्याने अपक्ष आमदारांसह राज्यातील अनेक आमदार नाराज असल्याचे राणा यांनी म्हटले.

मेळघाटातील स्कायवॉक लवकरच सुरू होणार आहे. राज्य सरकारने अनेक एनओसी दिल्या नसून परवानगी घेऊन लवकरच काम पूर्ण होईल, असे खासदार राणा यांनी सांगितले.

लातूर जिल्ह्यातील स्थानिक स्वराज्य संस्था निवडणुकीच्या पार्श्वभूमीवर लातूर भाजपमधील मतभेद चव्हाट्यावर येऊ लागले आहेत.

लातूर जिल्ह्यात जेवढे नेते तेवढे गट निर्माण झाले आहेत. त्यामुळे एका गटाचे दुसऱ्या गटासोबत जमत नाही. भाजपा जिल्हाध्यक्ष रमेश कराड यांनी त्यांची एक ‘टीम’ तयार केली आहे.

रमेश कराड यांची ‘टीम’ कायम संभाजी पाटील निलंगेकर यांच्या नेतृत्वाला आव्हान देत असते. रमेश कराड यांनी त्यांचा टीम लीडर म्हणून सुधाकर भालेराव यांना पुढे केले आहे.

माजी आमदार सुधाकर भालेराव संधी मिळेल तेव्हा प्रत्यक्ष अप्रत्यक्ष संभाजी पाटील निलंगेकर यांच्या नेतृत्वाला आव्हान देत असतात.

त्यामुळे संभाजी पाटील निलंगेकर यांच्या नेतृत्वाखाली स्थानिक स्वराज संस्थेच्या निवडणुका लढणार नाही हा सुधाकर भालेराव यांचा आक्षेप नवा नाही.

त्यामुळे निलंगेकर यांच्या नेतृत्वाबाबत प्रश्नचिन्ह निर्माण झाले असले तरी जिल्ह्यातील निवडणुका एकहाती जिंकेल असा नेता सध्यातरी नाही. संभाजी पाटील निलंगेकर यांचे नेतृत्व नाकारताना पर्यायी नेतृत्वाचा अभाव आहे.

नगर पंचायत निवडणुकीत जिल्हाध्यक्षांच्या मर्यादा ठळकपणे उघड्या पडल्या आहेत. त्यामुळे निवडणुका डोळ्यापुढे ठेवून तोडगा काढायचे ठरविले तरी तोडगा मान्य करण्याचे बंधन कोणावरही नाही.

लातूर भाजप कार्यकारिणीची नुकतीच बैठक झाली. त्या बैठकीत सुधाकर भालेराव यांनी हा ‘आक्षेप’ घेतल्याने पुन्हा एकदा चर्चेला उधाण आले आहे.

सुधाकर भालेराव यांना निवडणुकीसाठी सक्षम नेतृत्व हवे आहे, याचाच अर्थ संभाजी पाटील निलंगेकरांऐवजी जिल्हाध्यक्ष रमेश कराड यांचे नेतृत्व हवे आहे.

जिल्हाध्यक्ष रमेश कराड चर्चा घडवून आणतात आणि हात झटकून बाजूला होतात. स्थानिक स्वराज्य संस्थांच्या निवडणुकीपूर्वी भाजपमध्ये मतभेद निर्माण झाले ते नाकारतात, यातच सर्वकाही आले.

देवेंद्र फडणवीस राज्याचे मुख्यमंत्री असताना लातूर जिल्ह्यातील राजकारण संभाजी पाटील निलंगेकर यांच्या भोवती फिरायचे, ते घेतील तो निर्णय आणि ठरवतील ते धोरण ‘फायनल’ होते.

राज्यात व जिल्ह्यात सत्तेची समीकरणे बदलली आणि अभिमन्यू पवार, रमेश कराड, माजी आमदार सुधाकर भालेराव व माजी आमदार विनायकराव पाटील यांनी आपापल्या परीने संभाजी पाटील यांना आव्हान द्यायला सुरुवात केली. त्यामुळे आज उघड ‘विरोध’ होऊ लागला आहे.

हा विरोध मोडून काढून पुन्हा एकदा आपली ‘जागा’ निर्माण करण्यासाठी संभाजी पाटील यांना प्रयत्न करावे लागणार आहेत. हे सोपे वाटत असले तरी भले मोठे आव्हान आहे.

जिल्हाध्यक्ष रमेश कराड सुधाकर भालेराव यांच्या खांद्यावर बसून अचूक नेमबाजी करीत आहेत. सुधाकर भालेराव रमेश कराड यांच्या आडून हवी तशी शिकार करीत आहेत.

सुधाकर भालेराव विरुध्द संभाजीराव पाटील निलंगेकर संघर्षात पडद्यावर व पडद्याआड अनेक हात आहेत. संभाजी पाटील निलंगेकर सध्यातरी एकाकी पडले आहेत. अस्तित्वाची लढाई लढत आहेत.

भाजपातील अंतर्गत बंडाळीला लातूर कॉंग्रेसच्या नेत्यांनीही तडका दिला आहे. त्यामुळे त्याचा ठसका भाजपाला जोरात बसणार आहे. या वर्चस्वाच्या लढाईत कॉंग्रेसची बंपर लॉटरी लागणार आहे.