महाराष्ट्र नवनिर्माण सेनेचे अध्यक्ष राज ठाकरे यांची 2 एप्रिल रोजी गुढीपाडव्यानिमित्त शिवाजी पार्कवर जाहीर सभा झाली. तब्बल दोन वर्षांनी मनसेचा पाडवा मेळावा आयोजित करण्यात आला होता.
नेहमीप्रमाणे राज ठाकरेंच्या या सभेनेही गजबजला. या सभेत राज ठाकरेंनी प्रामुख्याने शिवसेना आणि राष्ट्रवादीवर निशाणा साधला. मशिदीतील शिंगे काढण्याचा इशाराही त्यांनी सरकारला दिला.
दरम्यान, जर एखाद्या मशिदीवर भोंगा वाजत असेल तर तुम्ही देखील भोंगा लावा आणि त्यासमोर हनुमान चालीसा सुरु करा, असे आवाहन राज ठाकरेंनी केले होते. आता त्याची सुरुवात आज झाली आहे.
घाटकोपर पश्चिमेकडील चांदिवली येथील मनसे शाखेत लाऊडस्पीकर लावून हनुमान चालीसाला सुरुवात करण्यात आली आहे.
मनसेचे विभाग अध्यक्ष महेंद्र भानुशाली यांच्या नेतृत्वाखाली हा लाऊडस्पीकर लावून हनुमान चालीसाला सुरुवात करण्यात आली आहे.
राज ठाकरे यांनी हनुमान चालिसाबाबत कोणतेही नियम लादलेले नाहीत. कालच्या भाषणातील राज यांचे आवाहन ऐकूनच हनुमान चालीसा सुरू करण्यात आल्याचे या कार्यकर्त्यांनी सांगितले.
काय म्हणाले राज ठाकरे?
या सभेत बोलताना राज ठाकरे म्हणाले होते, “मी कोणत्याही धर्माच्या व नमाजाच्या विरोधात नाही, पण मशिदीवरील भोंगे खाली उतरवावे लागतील. हा निर्णय राज्य सरकारला घ्यावा लागेल. अन्यथा हनुमान चालीसा सुरु करण्यात येईल.
मशिदीसमोर दुप्पट स्पीकर लावून जेथे हे भोंगे वाजतील तिथे आमचेही भोंगे वाजतील. मी धर्मांध नाही, मी धर्माभिमानी आहे, कोणत्याही धर्मात लाऊडस्पीकरचा नियम नाही, धर्म निर्माण झाला तेव्हा लाऊडस्पीकर होता का, प्रत्येकाने एकमेकाच्या धर्माचा आदर ठेवावा. ज्याचा त्याचा धर्म घरीच असला पाहिजे,” असे राज ठाकरे म्हणाले.
