मुंबई : कॉमेडियन राजू श्रीवास्तवची (Comedian Raju Srivastava) झुंज अखेर अपयशी ठरली आहे. राजू श्रीवास्तव यांचे एम्स रुग्णालयात निधन झाले. ते 58 वर्षांचे होते. त्यांना हृदयविकाराचा झटका आला होता.
मागील 41 दिवसांपासून त्यांच्यावर रुग्णालयात उपचार सुरू होते. ते व्हेंटिलेटरवर होते. डॉक्टरांची मोठी टीम त्यांच्यावर उपचार करत होती पण त्यांचे प्रयत्न अयशस्वी ठरले आणि अखेर आज राजू श्रीवास्तव यांचे निधन झाले.
डॉक्टरांनी त्यांना ब्रेन डेड घोषित केले. आज हृदयाचे ठोके कमी झाल्याने त्यांना पुन्हा व्हेंटिलेटरवर ठेवण्यात आले. हिंदी चित्रपटसृष्टीत अनेक वर्षे प्रेक्षकांना हसवणाऱ्या या अभिनेत्याचे आज निधन झाले.
त्यांच्या निधनामुळे चित्रपटसृष्टीवर शोककळा पसरली असून सर्व स्तरातून त्यांना श्रद्धांजली वाहण्यात येत आहे. कॉमेडियन राजू श्रीवास्तव यांच्या पश्चात पत्नी आणि दोन मुले आहेत.
राजू श्रीवास्तव यांना रुग्णालयात दाखल केल्यापासून त्यांच्या प्रकृतीत कोणतीही सुधारणा होत नव्हती. ब्रेन डॅमेज झाल्याची माहिती होती. त्यांना उपचारासाठी व्हेंटिलेटरवर ठेवण्यात आले होते. त्यांची प्रकृती चिंताजनक होती.
राजू श्रीवास्तव यांना त्यांच्या वडिलांकडून कलेचा वारसा मिळाला. त्यांचे वडील रमेशचंद्र श्रीवास्तव हे कवी होते. राजू लहानपणापासून मिमिक्री करत असे. त्यांना कलेची विशेष आवड होती.
राजू श्रीवास्तव यांना लहानपणापासूनच कॉमेडियन व्हायचं होतं. त्याने टीव्ही शो, कॉमेडी शो अवॉर्ड्स होस्ट करण्यापासून सुरुवात केली. राजू श्रीवास्तव यांनी जगभरात कॉमेडी शो केले होते.
त्याचप्रमाणे त्यांनी त्यांची ऑडिओ व्हिडिओ सीरिजही जारी केली. आतापर्यंत त्याने अनेक जाहिरातींमध्येही काम केले आहे. राजू श्रीवास्तव यांचे 1993 मध्ये लग्न झाले.
त्यांच्या पत्नीचे नाव शिखा श्रीवास्तव असून त्यांना दोन मुले आहेत. मुलाचे नाव आयुष्मान आणि मुलीचे नाव अंतरा आहे.
आकाशवाणी मुंबईने याबाबत नुकतेच एक ट्विट केले आहे. दरम्यान, एम्सकडून मिळालेल्या माहितीनुसार, राजू श्रीवास्तव यांनी आज सकाळी 10.20 वाजता अखेरचा श्वास घेतला.
विनोदी अभिनेते राजू श्रीवास्तव यांचं #दिल्लीतल्या #एम्स रुग्णालयात निधन. वयाच्या ५९ व्या वर्षी घेतला अखेरचा श्वास@RajuShrivastav #raju_shrivastav pic.twitter.com/TvjSjSXVbT
— AIR News Mumbai, आकाशवाणी मुंबई (@airnews_mumbai) September 21, 2022
उत्तर प्रदेशचे मुख्यमंत्री योगी आदित्यनाथ, सपा अध्यक्ष अखिलेश यादव, खासदार रवी किशन आणि अनेक राजकारणी आणि चित्रपट क्षेत्रातील मान्यवरांनी राजू श्रीवास्तव यांच्या निधनाबद्दल शोक व्यक्त केला आहे.
अपनी अभिनव कला दक्षता द्वारा जीवनपर्यंत सभी का मनोरंजन करने वाले श्री राजू श्रीवास्तव जी का निधन अत्यंत दुःखद है।
शोक संतप्त परिवार के प्रति संवेदनाएं व्यक्त करते हुए ईश्वर से दिवंगत आत्मा की शांति हेतु प्रार्थना करता हूं।
— Yogi Adityanath (@myogiadityanath) September 21, 2022
राजू श्रीवास्तव यांनी कानपूरसारख्या शहरातून बाहेर पडून बॉलिवूडमध्ये आपले नाव कमावले. त्यांना स्टँडअप कॉमेडीचा बादशाह म्हटले जाते. त्यांच्या निधनाने कधीही भरून न येणारी हानी असल्याचे मुख्यमंत्री योगी आदित्यनाथ यांनी म्हटले आहे.
