भारत संचार निगम लिमिटेड (BSNL) 5G किंवा 4G सेवेत खाजगी टेलिकॉम कंपन्यांपेक्षा खूप मागे आहे. पण, अनेक ब्रॉडबँड योजनांच्या बाबतीत रिलायन्स जिओ आणि एअरटेलच्या पुढे आहे. आम्ही येथे ज्या योजनेबद्दल बोलत आहोत ती मर्यादित काळासाठी आहे.
यामुळे युजर्सना परवडणाऱ्या किमतीत अनेक फायदे मिळतील. अहवालानुसार, BSNL कंपनीचा हा प्रमोशनल ब्रॉडबँड प्लॅन 15 नोव्हेंबर 2022 पासून बंद होणार आहे. याआधी तुम्ही या योजनेचे सदस्यत्व घेऊ शकता.
बीएसएनएलच्या या ब्रॉडबँड प्लानची किंमत 775 रुपये आहे. ही मासिक योजना नाही. यामध्ये तुम्हाला बीएसएनएल भारत फायबरकडून 75 दिवस सेवा दिली जाईल. ही एक प्रमोशनल ऑफर आहे. याचा फायदा घेण्यासाठी त्वरीत सदस्यत्व घ्यावे लागेल.
तुम्हाला 2TB मासिक डेटा मिळेल
यामध्ये यूजर्सना 2TB मासिक डेटा मिळेल. यानंतर डेटा स्पीड 10 Mbps पर्यंत कमी होतो. या प्लॅनसह वापरकर्त्यांना OTT फायदे देखील मिळतात. म्हणजेच, तुम्ही एका महिन्यात 2TB पर्यंत हाय स्पीड डेटाचा लाभ घेऊ शकता.
BSNL च्या या ब्रॉडबँड प्लॅनसह, वापरकर्त्यांना SonyLIV, ZEE5, Voot, Hungama, Shemaroo, Lionsgate, Disney + Hotstar आणि Yupp TV सारख्या OTT प्लॅटफॉर्मवर मोफत सबस्क्रिप्शन देखील दिले जाते.
टेलिकॉम टॉकच्या रिपोर्टमध्ये असे सांगण्यात आले आहे की या ब्रॉडबँड प्लॅन्समुळे यूजर्सना बरेच फायदे मिळतात. एअरटेल किंवा जिओच्या ब्रॉडबँड प्लॅनमध्ये असा कोणताही प्लॅन उपलब्ध नाही. अशा परिस्थितीत, जर तुम्ही स्वस्त ब्रॉडबँड प्लॅन घेण्याचा विचार करत असाल तर तुम्ही बीएसएनएलच्या या प्लॅनसोबत जाऊ शकता.
