Uttar Pradesh Crime : अनैतिक संबंधाचा विरोध केला म्हणून पतीने केली पत्नीची हत्या

Crime News :

मुझफ्फरनगर : मुझफ्फरनगर जिल्ह्यात अनैतिक संबंधांना विरोध केल्याच्या कारणावरून एका महिलेचा तिच्या पतीने गळा दाबून खून केला. पोलिसांनी सोमवारी ही माहिती दिली. परचापर भागातील रामपूर गावात रविवारी संध्याकाळी सोहनलाल नावाच्या व्यक्तीने पत्नी शर्मिष्ठा (३३) हिचा गळा दाबून खून केल्याचे पोलिस सूत्रांनी सांगितले.

या प्रकरणी सोहनलाल, त्याचे वडील रामलाल आणि भाऊ पुष्पेंद्र यांच्यावर गुन्हा दाखल करण्यात आल्याचे त्यांनी सांगितले. सोहनलाल याला अटक करण्यात आली आहे. उर्वरित दोन आरोपींचा शोध सुरू आहे.

सूत्रांनी दिलेल्या माहितीनुसार, सोहनलालचे दुसऱ्या महिलेसोबत अवैध संबंध असल्याचा आरोप कुटुंबीयांनी केला आहे. शर्मिष्ठा यांनी विरोध केला. यासाठी त्यांची हत्या करण्यात आल्याचा आरोप आहे. पोलिसांनी मृतदेह शवविच्छेदनासाठी पाठवला असल्याचे त्यांनी सांगितले.