ठाणे : राष्ट्रवादी काँग्रेसने शरद पवार यांच्याबाबत केलेल्या आक्षेपार्ह वक्तव्यामुळे अभिनेत्री केतकी चितळे पुन्हा एकदा वादाच्या भोवऱ्यात सापडली आहे. तिच्यावर राज्यात विविध ठिकाणी गुन्हे दाखल आहेत.
मात्र 2020 मध्ये एका प्रकरणात अॅट्रॉसिटी कायद्यांतर्गत गुन्हा दाखल केल्यानंतर न्यायालयाने तिचा जामीन नाकारला मात्र तिला रबाळे पोलिसांनी अटक केली नाही.
यानंतर केतकी चितळेला रबाळे पोलिसांनी अटक केली. केतकी चितळेला ठाणे न्यायालयात हजर केल्यानंतर सुरुवातीला पाच दिवसांची कोठडी सुनावण्यात आली होती. मात्र, आता याच प्रकरणात तिला १४ दिवसांची न्यायालयीन कोठडी सुनावण्यात आली आहे.
केतली चितळे यांची पोलीस कोठडी संपुष्टात येत होती. त्यामुळे तिला पुन्हा एकदा ठाणे न्यायालयात हजर करण्यात आले.
रबाळे पोलिसांनी दाखल केलेल्या अॅट्रॉसिटीच्या आरोपावरून केतकी चितळे हिला ठाणे न्यायालयाने १४ दिवसांची न्यायालयीन कोठडी सुनावली आहे. यानंतर केतकीचे वकील वसंत बनसोडे यांनी जामिनासाठी अर्ज दाखल केला आहे.
केतकी चितळेचा ‘ती’ पोस्ट डिलीट करण्यास नकार
राष्ट्रवादी काँग्रेसचे अध्यक्ष शरद पवार यांच्याविरोधात सोशल मीडियावर टाकलेली पोस्ट हटवण्यास केतकी चितळे यांनी नकार दिला आहे. आपल्या निर्णयावर ती अजूनही ठाम आहे. परंतु, या पोस्टमुळे वाद निर्माण होत असताना, सायबर सेलकडून ती हटवली जात नसल्याने आश्चर्य व्यक्त केले जात आहे.
पवारांवर टीका करणाऱ्या केतकी चितळेला अटक करण्यात आली आहे. तिच्या या पोस्टमुळे राज्यात राजकीय वादाला तोंड फुटले आहे. त्यामुळे पोलिसांनी केतकीला पोस्ट हटवण्याची सूचना केली आहे.
मात्र, तिने ती पोस्ट स्वतःच्या इच्छेनुसार टाकल्याचे सांगत ती हटवण्यास नकार दिला. त्यामुळे या पोस्टवर वादग्रस्त प्रतिक्रियांचा पाऊस पडला आहे. त्याचप्रमाणे सायबर सेलने पोस्ट डिलीट केली नाही.
त्यामुळे या पोस्टवर नवे वाद निर्माण होतील अशा प्रतिक्रिया अजूनही येत आहेत. सायबर सेलने अद्याप पोस्ट का डिलीट केली नाही, असा प्रश्न उपस्थित होत आहे.
दरम्यान, 2020 मध्ये केतकी चितळे विरोधात रबाळे पोलिस ठाण्यात अॅट्रॉसिटी कायद्यान्वये गुन्हा दाखल करण्यात आला होता. केतकी आणि सूरज शिंदे यांनी बाबासाहेब आंबेडकर यांच्या अनुयायांबद्दल संतापजनक वक्तव्य केले होते.
याप्रकरणी गुन्हा दाखल केल्यानंतर तिने ठाणे सत्र न्यायालयात अटकपूर्व जामिनासाठी अर्ज केला होता. तिचा शोध घेऊनही ती सापडली नसल्याने पोलिसांनी तिला फरार घोषित केले होते.
केतकीचा अटकपूर्व अर्ज सप्टेंबर 2021 मध्ये न्यायालयाने फेटाळला होता आणि नवी मुंबई पोलिसांनी तिला अटक करणे अपेक्षित होते. मात्र, तत्कालीन अधिकाऱ्यांनी आठ महिने अटक टाळल्याचा तिच्यावर आरोप आहे.
