Crime News | मुलतानहून कराचीला जाणाऱ्या बहुद्दीन झकेरिया एक्स्प्रेसमध्ये नुकत्याच एका विवाहित महिलेवर तीन जणांनी लैंगिक अत्याचार केला. या गंभीर घटनेने पाकिस्तानात खळबळ उडाली आहे. या घटनेचा नागरिकांनी सोशल मीडियावर तीव्र निषेध केला आहे.
दरम्यान, पोलिसांनीही या घटनेची गंभीर दखल घेत तीन आरोपींना अटक केली आहे. अटक करण्यात आलेल्या आरोपींमध्ये दोन जनरल तिकीट तपासनीसांचा समावेश आहे. तिकीट नसल्यामुळे तिघांनी महिलेला एसी कोचमध्ये नेऊन तिच्यावर अत्याचार केला.
मीडिया रिपोर्ट्सनुसार, बहुद्दीन झकेरिया एक्स्प्रेसमध्ये एका विवाहित महिलेवर तिघांनी सामूहिक बलात्कार केला होता. या तिघांनी एका महिलेला शिवीगाळ करताना अश्लील व्हिडिओ बनवला.
त्यानंतर पोलिसांनी या घटनेची गंभीर दखल घेत तिन्ही आरोपींना हातकड्या लावल्या. अटक करण्यात आलेल्या आरोपींमध्ये दोन जनरल तिकीट तपासनीसांचा समावेश आहे. पोलिसांनी तीन आरोपींचे मोबाईलही जप्त केले आहेत.
आरोपींवर कडक कारवाई केली जाईल. पाकिस्तान सरकार हे प्रकरण दडपण्याचा प्रयत्न करत होते. मात्र, या घटनेनंतर नागरिकांनी सोशल मीडियावर निषेध व्यक्त केला.
त्यानंतर पोलिसांनी तत्काळ कारवाई करत अखेर तिन्ही आरोपींना अटक केली, असे पाकिस्तानचे रेल्वेमंत्री साद रफिक यांनी सांगितले.
