Budget SUV: Tata Punch or Citroen C3 | भारतातील सर्वात स्वस्त कॉम्पॅक्ट एसयूव्ही कारचे मानकरी म्हणून टाटा पंचकडे पाहिले जात होते. या कारची सुरुवातीची किंमत 6 लाख रुपयांपेक्षा कमी होती.
आता Citroen C3 ही कार जुलैमध्ये लॉन्च झाली आहे; ही एक कॉम्पॅक्ट एसयूव्ही कार देखील आहे. या कारमध्ये अनेक चांगले फीचर्स देण्यात आले आहेत. दोन्ही कार त्यांच्या व्हेरियंटमध्ये परफेक्ट आहेत.
दोघांचीही वेगळी वैशिष्ट्ये आहेत. त्यामुळे जेव्हा आपण बजेट SUV खरेदी करण्याचा विचार करतो. तेव्हा साहजिकच प्रश्न पडतो की या दोनपैकी कोणती कार घ्यायची. आज आपण या लेखात या सर्व प्रश्नांची उत्तरे देण्याचा प्रयत्न करू आणि या दोघांमधील फरक देखील सांगू.
कारची किंमत
टाटा पंच ची किंमत 5.93 लाख रुपये आहे. Citroen C3 ची किंमत 5.71 लाख रुपये आहे. Citroen कारमध्ये 1198 cc इंजिन देण्यात आले आहे.
Citroen C3 आणि Tata Punch या दोन्ही कारमध्ये पेट्रोल इंजिनचा पर्याय देण्यात आला आहे. C3 कार प्रति लीटर 19.8 किलोमीटर मायलेज देऊ शकते असा दावा सिट्रोएनने केला आहे. दुसरीकडे, टाटा पंच 18.9 kmpl चा मायलेज देते.
इंजिनचा पर्याय
दरम्यान, Citroen C3 हे दोन इंजिन पर्यायांमध्ये देण्यात आले आहे. यापैकी एक 1.2 लीटर नैसर्गिकरित्या एस्पिरेटेड पेट्रोल इंजिन आहे. हे इंजिन 81 bhp पॉवर आणि 155 Nm पीक टॉर्क जनरेट करू शकते.
याशिवाय आणखी एक टर्बो पेट्रोलचा पर्याय देण्यात आला आहे. या इंजिन सेटअपमध्ये 1.2 लीटर मिल मिळेल जी 109 bhp पॉवर आणि 190 Nm टॉर्क जनरेट करेल.
Citroen C3 ची वैशिष्ट्ये
यात 10 इंच टच स्क्रीन डिस्प्ले आहे. हे वायरलेस अँड्रॉइड ऑटो आणि ऍपल कार प्ले कनेक्टिव्हिटीसह डिस्प्ले इन्फोटेनमेंट सिस्टमसह उपलब्ध असेल.
यात चार स्पीकर ऑडिओ सिस्टीम आहे. यात ड्युअल फ्रंट एअरबॅग्ज, सीट बेल्ट रिमाइंडर, रिव्हर्स पार्किंग सेन्सर, EBD सेन्सरसह ABS आहे.
Tata Punch ची वैशिष्ट्ये
ही एक कॉम्पॅक्ट एसयूव्ही कार आहे. हे एक आकर्षक आणि आधुनिक डिझाइन वापरते. यात स्प्लिट हेडलॅम्प सेटअप आहे. फ्रंट ग्रिल आणि स्पोर्टी बंपर देण्यात आला आहे. यात एलईडी टेल लाइट्स आणि मशीन कट अॅलॉय व्हील्सचा वापर करण्यात आला आहे.
