Agniveer Bharti Fitness Test : स्टिरॉइड घेऊन’अग्नवीर’ सैन्य भरतीत सामील 115 उमेदवारांना पकडले

0
53
Agniveer Bharti Fitness Test

Agniveer Bharti Fitness Test : सरकारच्या अग्निवीर योजनेंतर्गत सैन्यात (Army Agniveer Bharti) भरतीची प्रक्रिया सुरू झाली आहे. यासाठी देशातील विविध शहरांमध्ये युवकांची शारीरिक क्षमता चाचणी घेण्यात येत आहे.

दरम्यान, अग्निवीर परीक्षा उत्तीर्ण करण्यासाठी युवक चुकीच्या पद्धती वापरत असल्याच्या बातम्या येत आहेत. आग्रा, यूपी येथे भरतीपूर्वी झालेल्या स्क्रिनिंगमध्ये लष्कराने त्या तरुणांची ओळख पटवली आहे जे स्टिरॉइड इंजेक्शनचा डोस घेऊन धावायला आले होते.

115 जणांना पकडले 

सैन्यातील भरती अधिकाऱ्यांच्या म्हणण्यानुसार, सुरुवातीच्या स्क्रिनिंगमध्ये 115 उमेदवारांची ओळख पटली आहे ज्यांनी स्टेरॉईड्स किंवा इतर कोणते उत्तेजक इंजेक्शन घेतले होते.

हे सर्व उमेदवार अलीगढमधील खैर आणि एटा येथील अलीगंज तहसीलमधून नोकरीसाठी धावण्यासाठी आले होते.
वैद्यकीय पथकाने चाचणीपूर्वी या तरुणांची तपासणी केली असता त्यांच्या शरीरावर इंजेक्शनच्या खुणा आढळल्या.

लष्कराच्या वैद्यकीय पथकाने सखोल तपास केला, तेव्हा असे आढळून आले की हे लोक इंजेक्शन घेऊन आले होते.

भरती प्रक्रियेबाहेर

लष्कराच्या पथकाने अशा तरुणांना बाजूला सारून चौकशी सुरू केली. सुरुवातीला हे सर्व तरुण त्यांची दिशाभूल करत राहिले, मात्र सखोल चौकशी केल्यावर हे तरुण खरे बोलू लागले.

या तरुणांनी शर्यतीत पुढे राहण्यासाठी स्टेरॉईडचे इंजेक्शन घेतल्याचे सांगितले. या सर्वांना स्टेरॉईड्स वापरल्यामुळे रॅलीतून हाकलण्यात आल्याचे भरती प्रभारींनी सांगितले.

या तरुणांचा पत्ता घेण्यात आला आहे. आता त्यांच्यावर कायदेशीर कारवाईही सुरू होणार आहे. आता या सर्वांना भविष्यात कोणत्याही भरती मेळाव्यात सहभागी होता येणार नाही.

आरोग्यासोबत खेळ

विशेष म्हणजे, कोरोना महामारीमुळे लष्करात भरतीची प्रक्रिया प्रदीर्घ कालावधीनंतर सुरू झाली आहे. अशा स्थितीत महिनोनमहिने तयारी करणाऱ्या तरुणांना संधी हातातून जाऊ द्यायची नाही.

मात्र भरतीसाठी चुकीच्या मार्गाचा वापर करून ते त्यांचे भविष्य उध्वस्त तर करत आहेतच शिवाय त्यांच्या आरोग्य आणि शरीराशी देखील खेळत आहेत.

तरुणांनी अग्निवीर भरतीसाठी गैर मार्गाचा अवलंब करू नये, एकदा दोनदा प्रयत्न करावेत, जर गैर प्रकार करताना आढळले तर करिअर बरबाद होऊ शकते, तेव्हा योग्य मार्गाने भरतीसाठी यावे असे आवाहन भरती प्रमुखांनी केले आहे.

हे देखील वाचा